દ્વાદશસ્તોત્રમ્ દ્વિતીયોઽધ્યાયઃ
॥ અથ દ્વાદશસ્તોત્રે દ્વિતીયોઽધ્યાયઃ ॥
સુજનોદધિસંવૃદ્ધિપૂર્ણચંદ્રો ગુણાર્ણવઃ । 
અમંદાનંદસાંદ્રો નઃ પ્રીયતામિંદિરાપતિઃ ॥૧॥ 
રમાચકોરીવિધવે દુષ્ટદર્પોદવહ્નયે । 
સત્પાંથજનગેહાય નમો નારાયણાય તે ॥૨॥ 
ચિદચિદ્ભેદમખિલં વિધાયાધાય ભુંજતે । 
અવ્યાકૃતગૃહસ્થાય રમાપ્રણયિને નમઃ ॥૩॥ 
અમંદગુણસારોઽપિ મંદહાસેન વીક્ષિતઃ । 
નિત્યમિંદિરયાઽઽનંદસાંદ્રો યો નૌમિ તં હરિમ્ ॥૪॥ 
વશી વશે ન કસ્યાપિ યોઽજિતો વિજિતાખિલઃ । 
સર્વકર્તા ન ક્રિયતે તં નમામિ રમાપતિમ્ ॥૫॥ 
અગુણાય ગુણોદ્રેકસ્વરૂપાયાદિકારિણે । 
વિદારિતારિસંઘાય વાસુદેવાય તે નમઃ ॥૬॥ 
આદિદેવાય દેવાનાં પતયે સાદિતારયે । 
અનાદ્યજ્ઞાનપારાય નમો વરવરાય તે ॥૭॥ 
અજાય જનયિત્રેઽસ્ય વિજિતાખિલદાનવ । 
અજાદિપૂજ્યપાદાય નમસ્તે ગરુડધ્વજ ॥૮॥ 
ઇંદિરામંદસાંદ્રાગ્ર્યકટાક્ષપ્રેક્ષિતાત્મને । 
અસ્મદિષ્ટૈકકાર્યાય પૂર્ણાય હરયે નમઃ ॥૯॥ 
॥ ઇતિ દ્વાદશસ્તોત્રે દ્વિતીયોઽધ્યાયઃ ॥