ద్వాదశస్తోత్రమ్ ద్వాదశోఽధ్యాయః 
అథ ద్వాదశస్తోత్రే ద్వాదశోఽధ్యాయః ॥
ఆనంద ముకుంద అరవిందనయన ।  
ఆనందతీర్థపరానందవరద ॥౧॥ 
సుందరిమందిర గోవింద వందే ।  
ఆనందతీర్థపరానందవరద ॥౨॥ 
చంద్రకమందిరనందక వందే ।  
ఆనందతీర్థపరానందవరద ॥౩॥ 
చంద్రసురేంద్రసువందిత వందే ।  
ఆనందతీర్థపరానందవరద ॥౪॥ 
మందారస్యందకస్యందన వందే ।  
ఆనందతీర్థపరానందవరద ॥౫॥ 
వృందారకవృందసువందిత వందే ।  
ఆనందతీర్థపరానందవరద ॥౬॥ 
మందారస్యందితమందిర వందే ।  
ఆనందతీర్థపరానందవరద ॥౭॥ 
మందిరస్యందనస్యందక వందే ।  
ఆనందతీర్థపరానందవరద ॥౮॥ 
ఇందిరానందకసుందర వందే ।  
ఆనందతీర్థపరానందవరద ॥౯॥ 
ఆనందచంద్రికాస్యందన వందే ।  
ఆనందతీర్థపరానందవరద ॥౧౦॥ 
॥ ఇతి శ్రీమదనాందతీర్థభగవత్పాదాచార్యవిరచితే ద్వాదశస్తోత్రే ద్వాదశోఽధ్యాయః ॥