|| atha dvAdashastotre ekAdasho.adhyAyaH ||

udIrNamajaraM divyamamRRitasyaMdyadhIshituH |
AnaMdasya padaM vaMde brahmeMdrAdyabhivaMditam ||1||

sarvavedapadodgItamiMdirAdhAramuttamam |
AnaMdasya padaM vaMde brahmeMdrAdyabhivaMditam ||2||

sarvadevAdidevasya vidAritamahattamaH |
AnaMdasya padaM vaMde brahmeMdrAdyabhivaMditam ||3||

udAramAdarAnnityamaniMdyaM suMdarIpateH |
AnaMdasya padaM vaMde brahmeMdrAdyabhivaMditam ||4||

iMdIvarodaranibhaM supUrNaM vAdimohadam |
AnaMdasya padaM vaMde brahmeMdrAdyabhivaMditam ||5||

dAtRRisarvAmaraishvaryavimuktyAderaho varam |
AnaMdasya padaM vaMde brahmeMdrAdyabhivaMditam ||6||

dUrAdddUrataraM yattu tadevAMtikamaMtikAt |
AnaMdasya padaM vaMde brahmeMdrAdyabhivaMditam ||7||

pUrNasarvaguNaikArNamanAdyaMtaM sureshituH |
AnaMdasya padaM vaMde brahmeMdrAdyabhivaMditam ||8||

AnaMdatIrthamuninA harerAnaMdarUpiNaH |
AnaMdasya padaM vaMde brahmeMdrAdyabhivaMditam ||9||

|| iti dvAdashastotre ekAdasho.adhyAyaH ||