|| atha dvAdashastotre prathamo.adhyAyaH ||

vaMde vaMdyaM sadAnaMdaM vAsudevaM niraMjanam |
iMdirApatimAdyAdivaradeshavarapradam ||1||

namAmi nikhilAdhIshakirITAghRRiShThapIThavat |
hRRittamaHshamane.arkAbhaM shrIpateH pAdapaMkajam ||2||

jAMbUnadAMbarAdhAraM nitaMbaM chiMtyamIshituH |
svarNamaMjIrasaMvItamArUDhaM jagadaMbayA ||3||

udaraM chiMtyamIshasya tanutve.apyakhilaMbharam |
valitrayAMkitaM nityamupagUDhaM shriyaikayA ||4||

smaraNIyamuro viShNoriMdirAvAsamIshituH |
anaMtamaMtavadiva bhujayoraMtaraM gatam ||5||

shaMkhachakragadApadmadharAshchiMtyA harerbhujAH |
pInavRRittA jagadrakShAkevalodyogino.anisham ||6||

saMtataM chiMtayet kaMThaM bhAsvatkaustubhabhAsakam |
vaikuMThasyAkhilA vedA udgIryaMte.anishaM yataH ||7||

smareta yAminInAthasahasrAmitakAMtimat |
bhavatApApanodIDyaM shrIpatermukhapaMkajam ||8||

pUrNAnanyasukhodbhAsi maMdasmitamadhIshituH |
goviMdasya sadA chiMtyaM nityAnaMdapadapradam ||9||

smarAmi bhavasaMtApahAnidAmRRitasAgaram |
pUrNAnaMdasya rAmasya sAnurAgAvalokanam ||10||

dhyAyedajasramIshasya padmajAdipratIkShitam |
bhrUbhaMgaM pArameShThyAdipadadAyi vimuktidam ||11||

saMtataM chiMtayenaMtamaMtakAle visheShataH |
naivodApurgRRiNaMtoM.ataM yadguNAnAmajAdayaH ||12||

|| iti dvAdashastotre prathamo.adhyAyaH ||