த்³வாத³ஶஸ்தோத்ரம் ப்ரத²மோऽத்⁴யாய:
ப்ரத²மோऽத்⁴யாய:
வந்தே³ வந்த்³யம்ʼ ஸதா³னந்த³ம்ʼ வாஸுதே³வம்ʼ நிரஞ்ஜனம் | 
இந்தி³ராபதிமாத்³யாதி³வரதே³ஶவரப்ரத³ம் || 1|| 
நமாமி நிகி²லாதீ⁴ஶகிரீடாக்⁴ருʼஷ்ட²பீட²வத் | 
ஹ்ருʼத்தம:ஶமனேऽர்காப⁴ம்ʼ ஶ்ரீபதே: பாத³பங்கஜம் || 2|| 
ஜாம்பூ³னதா³ம்ப³ராதா⁴ரம்ʼ நிதம்ப³ம்ʼ சிந்த்யமீஶிது: | 
ஸ்வர்ணமஞ்ஜீரஸம்ʼவீதமாரூட⁴ம்ʼ ஜக³த³ம்ப³யா || 3|| 
உத³ரம்ʼ சிந்த்யமீஶஸ்ய தனுத்வேऽப்யகி²லம்ப⁴ரம் | 
வலித்ரயாங்கிதம்ʼ நித்யமுபகூ³ட⁴ம்ʼ ஶ்ரியைகயா || 4|| 
ஸ்மரணீயமுரோ விஷ்ணோரிந்தி³ராவாஸமீஶிது: | 
அனந்தமந்தவதி³வ பு⁴ஜயோரந்தரம்ʼ க³தம் || 5|| 
ஶங்க²சக்ரக³தா³பத்³மத⁴ராஶ்சிந்த்யா ஹரேர்பு⁴ஜா: | 
பீனவ்ருʼத்தா ஜக³த்³ரக்ஷாகேவலோத்³யோகி³னோऽநிஶம் || 6|| 
ஸந்ததம்ʼ சிந்தயேத் கண்ட²ம்ʼ பா⁴ஸ்வத்கௌஸ்துப⁴பா⁴ஸகம் | 
வைகுண்ட²ஸ்யாகி²லா வேதா³ உத்³கீ³ர்யந்தேऽநிஶம்ʼ யத: || 7|| 
ஸ்மரேத யாமினீநாத²ஸஹஸ்ராமிதகாந்திமத் | 
ப⁴வதாபாபனோதீ³ட்³யம்ʼ ஶ்ரீபதேர்முக²பங்கஜம் || 8|| 
பூர்ணானன்யஸுகோ²த்³பா⁴ஸி மந்த³ஸ்மிதமதீ⁴ஶிது: | 
கோ³விந்த³ஸ்ய ஸதா³ சிந்த்யம்ʼ நித்யானந்த³பத³ப்ரத³ம் || 9|| 
ஸ்மராமி ப⁴வஸந்தாபஹானிதா³ம்ருʼதஸாக³ரம் | 
பூர்ணானந்த³ஸ்ய ராமஸ்ய ஸானுராகா³வலோகனம் || 10|| 
த்⁴யாயேத³ஜஸ்ரமீஶஸ்ய பத்³மஜாதி³ப்ரதீக்ஷிதம் | 
ப்⁴ரூப⁴ங்க³ம்ʼ பாரமேஷ்ட்²யாதி³பத³தா³யி விமுக்தித³ம் || 11|| 
ஸந்ததம்ʼ சிந்தயேऽநந்தமந்தகாலே விஶேஷத: | 
நைவோதா³புர்க்³ருʼணந்தோऽந்தம்ʼ யத்³கு³ணானாமஜாத³ய: || 12|| 
|| இதி த்³வாத³ஶஸ்தோத்ரே ப்ரத²மோऽத்⁴யாய: ||