ಧ್ಯಾನಸ್ನಾನ ವಿಧಿಃ 
ಅಥ ಧ್ಯಾನಸ್ನಾನ ವಿಧಿಃ 
ಶ್ರೀ ಸನತ್ಕುಮಾರ ಉವಾಚ 
ತ್ರಿವಿಕ್ರಮಂ ತೀರ್ಥಪಾದಂ ನತ್ವಾ ಸರ್ವಾಘನಾಶನಮ್ |
ಧ್ಯಾನಸ್ನಾನಂ ಪ್ರವಕ್ಷ್ಯಾಮಿ ಸರ್ವಸತ್ಕರ್ಮಸಿದ್ಧಯೇ ||೧||
ಖೇ ಸ್ಧಿತಂ ಪುಂಡರೀಕಾಕ್ಷಂ ಮಂತ್ರಮೂರ್ತಿಂ ಹರಿಂ ಸ್ಮರೇತ್ |
ಅನಂತಾದಿತ್ಯಸಂಕಾಶಂ ವಾಸುದೇವಂ ಚತುರ್ಭುಜಮ್ ||೨||
ಶಂಖಚಕ್ರಗದಾಪದ್ಮಧಾರಿಣಂ ವನಮಾಲಿನಮ್ |
ಶ್ಯಾಮಲಂ ಶಾಂತಹೃದಯಂ ದಿವ್ಯಪೀತಾಂಬರಾವೃತಮ್ ||೩||
ದಿವ್ಯಚಂದನಲಿಪ್ತಾಂಗಂ ಚಾರುಹಾಸಂ ಶುಭೇಕ್ಷಣಮ್ |
ಅನೇಕರತ್ನಸಂಚ್ಛನ್ನಸ್ಫುರನ್ಮಕರಕುಂಡಲಮ್ ||೪||
ನಾರದಾದಿಭಿರಾಸೇವ್ಯಂ ಭಾಸ್ವದ್ವಿಮಲಭೂಷಣಮ್ |
ಸಕಿಂಕೀಣೀಕಕೇಯೂರಹಾರಿಣಂ ಮಕುಟೋಜ್ವಲಮ್ ||೫||
ಧ್ವಜವಜ್ರಾಂಕುಶಲಕ್ಷ್ಮಪಾದಪಾಥೋರುಹದ್ವಯಮ್ |
ತತ್ಪಾದನಖಜಾಂ ಗಂಗಾಂ ನಿಪತಂತೀಂ ಸ್ವಮೂರ್ಧನಿ ||೬||
ಚಿಂತಯೇದ್ಭ್ರಹ್ಮರಂಧ್ರೇಣ ಪ್ರವಿಶಂತೀಂ ಸ್ವಕಾಂ ತನುಮ್ |
ತಯಾ ಸಂಕ್ಷಾಲಯೇತ್ ಸರ್ವಮಂತರ್ದೇಹಗತಂ ಮಲಮ್ |
ತತ್‌ಕ್ಷಣಾದ್ವಿರಜೋ ಮರ್ತ್ಯೋ ಜಾಯತೇ ಸ್ಫಾಟಿಕೋಪಮಃ ||೭||
ಇದಂ ಸ್ನಾನಂ ಪರಂ ಮಂತ್ರಾತ್ ಸಹಸ್ರಾಧಿಕಮುಚ್ಯತೇ |
ಇತ್ಯುಕ್ತಂ ಮಾನಸಂ ಸ್ನಾನಮವಗಾಹಾಚ್ಛತಾಧಿಕಾನ್ ||೮||
ಇಡಾ ಭಾಗೀರಥೀ ಗಂಗಾ ಪಿಂಗಲಾ ಯಮುನಾ ಸ್ಮೃತಾ |
ತಯೋರ್ಮಧ್ಯೇ ಗತಾ ನಾಡೀ ಸುಷುಮ್ನಾಖ್ಯಾ ಸರಸ್ವತೀ ||೯||
ಜ್ಞಾನಹ್ರದೇ ಧ್ಯಾನಜಲೇ ರಾಗದ್ವೇಷಮಲಾಪಹೇ |
ಯಃ ಸ್ನಾತಿ ಮಾನಸೇ ತೀರ್ಥೇ ಸ ಯಾತಿ ಪರಮಾಂ ಗತಿಮ್ ||
ನಾಸ್ಯ ಸಂಸರ್ಗದೋಷೋಽಪಿ ಕದಾಚನ ಭವಿಷ್ಯತಿ ||೧೦||
ಇದಂ ಧ್ಯಾನಂ ಪರಂ ಮಂತ್ರಾತ್ ಸಹಸ್ರಗುಣಮುತ್ತಮಮ್ |
ಸಾರ್ಧತ್ರಿಕೋಟಿತೀರ್ಥೇಷು ಸ್ನಾನಾತ್ ಕೋಟಿಗುಣಾಧಿಮ್ ||೧೧||
ಯೋ ನಿತ್ಯಮಾಚರೇದೇವಂ ಸ ವೈ ನಾರಾಯಣಃ ಸ್ಮೃತಃ | 
ಯಃ ಪಠೇತ್ ಪ್ರಾತರುತ್ಥಾಯ ಭಕ್ತಿಯುಕ್ತೇನ ಚೇತಸಾ |
ಕಾಲಮೃತ್ಯುಮತಿಕ್ರಮ್ಯ ಜೀವತ್ಯೇವ ನ ಸಂಶಯಃ ||೧೨||
ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ |
ಯಃ ಸ್ಮರೇತ್ ಪುಂಡರೀಕಾಕ್ಷಂ ತೇನ ಸ್ನಾತೋ ಭವಾಮ್ಯಹಮ್ ||೧೩||
|| ಇತಿ ವಾಮನಪುರಾಣೋಕ್ತಃ ಧ್ಯಾನಸ್ನಾನ ವಿಧಿಃ ||