दशावतारहरिगाथा 
अथ दशावतारहरिगाथा 
प्रलयोदन्वदुदीर्णजलविहारानिमिषांगम् | 
कमलाकांतमखंडितविभवाब्धिं हरिमीडे || १|| 
चरमांगोद्धृतमंदरतटिनं कूर्मशरीरम् | 
कमलाकांतमखंडितविभवाब्धिं हरिमीडे|| २|| 
सितदंष्ट्रोद्धृतकाश्यपतनयं सूकरकूपम् | 
कमलाकांतमखंडितविभवाब्धिं हरिमीडे || ३|| 
निशितप्राग्र्यनखेन जितसुरारिं नरसिंहम् | 
कमलाकांतमखंडितविभवाब्धिं हरिमीडे|| ४|| 
त्रिपदव्याप्तचतुर्दशभुवनं वामनरूपम् | 
कमलाकांतमखंडितविभवाब्धिं हरिमीडे|| ५|| 
क्षपितक्षत्रियवंशनगधरं भार्गवरामम् | 
कमलाकांतमखंडितविभवाब्धिं हरिमीडे|| ६|| 
दयिताचोरनिबर्हणनिपुणं राघवरामम् | 
कमलाकांतमखंडितविभवाब्धिं हरिमीडे || ७|| 
मुरलीनिस्वनमोहितवनितं यादवकृष्णम् | 
कमलाकांतमखंडितविभवाब्धिं हरिमीडे|| ८|| 
पटुचाटीकृतनिस्फुटजनतं श्रीघनसंज्ञम् | 
कमलाकांतमखंडितविभवाब्धिं हरिमीडे || ९|| 
परिनिर्मूलितदुष्टजनकुलं विष्णुयशोजम् | 
कमलाकांतमखंडितविभवाब्धिं हरिमीडे || १०|| 
अकृतेमां विजयध्वजवरतीर्थो हरिगाथाम्| 
अयते प्रीतिमलं सपदि यया श्रीरमणोऽयम्|| ११|| 
|| इति श्रीमद्विजयध्वजतीर्थयतिकृता श्रीदशवतारहरिगाथा ||