atha daśāvatāraharigāthā
pralayodanvadudīrṇajalavihārānimiṣāṁgam |

kamalākāṁtamakhaṁḍitavibhavābdhiṁ harimīḍe || 1||

caramāṁgoddhr̥tamaṁdarataṭinaṁ kūrmaśarīram |

kamalākāṁtamakhaṁḍitavibhavābdhiṁ harimīḍe|| 2||

sitadaṁṣṭroddhr̥takāśyapatanayaṁ sūkarakūpam |

kamalākāṁtamakhaṁḍitavibhavābdhiṁ harimīḍe || 3||

niśitaprāgryanakhena jitasurāriṁ narasiṁham |

kamalākāṁtamakhaṁḍitavibhavābdhiṁ harimīḍe|| 4||

tripadavyāptacaturdaśabhuvanaṁ vāmanarūpam |

kamalākāṁtamakhaṁḍitavibhavābdhiṁ harimīḍe|| 5||

kṣapitakṣatriyavaṁśanagadharaṁ bhārgavarāmam |

kamalākāṁtamakhaṁḍitavibhavābdhiṁ harimīḍe|| 6||

dayitācoranibarhaṇanipuṇaṁ rāghavarāmam |

kamalākāṁtamakhaṁḍitavibhavābdhiṁ harimīḍe || 7||

muralīnisvanamohitavanitaṁ yādavakr̥ṣṇam |

kamalākāṁtamakhaṁḍitavibhavābdhiṁ harimīḍe|| 8||

paṭucāṭīkr̥tanisphuṭajanataṁ śrīghanasaṁjñam |

kamalākāṁtamakhaṁḍitavibhavābdhiṁ harimīḍe || 9||

parinirmūlitaduṣṭajanakulaṁ viṣṇuyaśojam |

kamalākāṁtamakhaṁḍitavibhavābdhiṁ harimīḍe || 10||

akr̥temāṁ vijayadhvajavaratīrtho harigāthām|

ayate prītimalaṁ sapadi yayā śrīramaṇo'yam|| 11||

|| iti śrīmadvijayadhvajatīrthayatikr̥tā śrīdaśavatāraharigāthā ||