த³ஶாவதாரஸ்துதி:
|| ஶ்ரீ வாதி³ராஜதீர்த²விரசிதா த³ஶாவதாரஸ்துதி: ||
ப்ரோஷ்டீ²ஶவிக்³ரஹ*  ஸு-நிஷ்டீ²வனோத்³த⁴தவி-ஶிஷ்டாம்பு³சாரிஜலதே⁴
கோஷ்டா²ந்தராஹிதவி-சேஷ்டாக³மௌக⁴ பர-மேஷ்டீ²டி³த த்வமவ மாம் | 
ப்ரேஷ்டா²ர்கஸூனுமனு-சேஷ்டார்த²மாத்மவித³-தீஷ்டோ யுகா³ந்தஸமயே 
ஸ்தே²ஷ்டா²த்மஶ்•ருʼங்க³த்⁴ருʼத-காஷ்டா²ம்பு³வாஹன*  வ-ராஷ்டாபத³ப்ரப⁴தனோ || 1|| 
க²ண்டீ³ப⁴வத்³ப³ஹுல-டி³ண்டீ³ரஜ்ருʼம்ப⁴ணஸு-சண்டீ³க்ருʼதோத³தி⁴மஹா-
காண்டா³திசித்ரக³தி-ஶௌண்டா³த்³ய ஹைமரத³-பா⁴ண்டா³ப்ரமேயசரித | 
சண்டா³ஶ்வகண்ட²மத³-ஶுண்டா³லது³ர்ஹ்ருʼத³ய-க³ண்டா³பி⁴க²ண்ட³கரதோ³-
ஶ்சண்டா³மரேஶ ஹய-துண்டா³க்ருʼதே த்³ருʼஶம-க²ண்டா³மலம்ʼ ப்ரதி³ஶ மே || 2|| 
கூர்மாக்ருʼதே த்வவது*  நர்மாத்மப்ருʼஷ்ட²த்⁴ருʼத-ப⁴ர்மாத்மமந்த³ரகி³ரே 
த⁴ர்மாவலம்ப³ன ஸு-த⁴ர்மாஸதா³ கலித-ஶர்மா ஸுதா⁴விதரணாத் | 
து³ர்மானராஹுமுக²-து³ர்மாயிதா³னவஸு-மர்மாபி⁴பே⁴த³னபடோ 
க⁴ர்மார்ககாந்திவர-வர்மா ப⁴வான் பு⁴வன-நிர்மாணதூ⁴தவிக்ருʼதி: || 3|| 
த⁴ன்வந்தரேऽங்க³ருசி-த⁴ன்வந்தரேऽரிதரு-த⁴ன்வம்ʼஸ்தரீப⁴வ ஸுதா⁴-
பா⁴ன்வந்தராவஸத²*  மன்வந்தராதி⁴க்ருʼத-தன்வந்தரௌஷத⁴நிதே⁴ | 
த³ன்வந்தரங்க³ஶுகு³-த³ன்வந்தமாஜிஷு வி-தன்வன் மமாப்³தி⁴தனயா
ஸூன்வந்தகாத்மஹ்ருʼத³-தன்வந்தராவயவ-தன்வந்தரார்திஜலதௌ⁴ || 4|| 
யா க்ஷீரவார்தி⁴மத²-னாக்ஷீணத³ர்பதி³தி-ஜாக்ஷோபி⁴தாமரக³ணா
ப்ரேக்ஷாப்தயேऽஜனி*  வ-லக்ஷாம்ʼஶுபி³ம்ப³ஜித³-தீக்ஷ்ணாலகாவ்ருʼதமுகீ² | 
ஸூக்ஷ்மாவலக்³னவஸ-னாऽऽக்ஷேபக்ருʼத்குசக-டாக்ஷாக்ஷமீக்ருʼதமனோ-
தீ³க்ஷாஸுராஹ்ருʼத-ஸுதா⁴ऽக்ஷாணி நோऽவது*  ஸுரூக்ஷேக்ஷணாத்³த⁴ரிதனு: || 5|| 
ஶீக்ஷாதி³யுங்நிக³ம-தீ³க்ஷாஸுலக்ஷண-பரீக்ஷாக்ஷமா விதி⁴ஸதீ
தா³க்ஷாயணீ க்ஷமதி*  ஸாக்ஷாத்³ரமாऽபி ந ய-தா³க்ஷேபவீக்ஷணவிதௌ⁴ | 
ப்ரேக்ஷாக்ஷிலோப⁴கர-லாக்ஷாரஸோக்ஷித-பதா³க்ஷேபலக்ஷிதத⁴ரா 
ஸாऽக்ஷாரிதாத்மதனு-பூ⁴க்ஷாரகாரிநிடி-லாக்ஷாऽக்ஷமானவது ந: || 6|| 
நீலாம்பு³தா³ப⁴ ஶுப⁴-ஶீலாத்³ரிதே³ஹத⁴ர*  கே²லாஹ்ருʼதோத³தி⁴து⁴னீ-
ஶைலாதி³யுக்தநிகி²-லேலாகடாத்³யஸுர-தூலாடவீத³ஹன தே | 
கோலக்ருʼதே ஜலதி⁴-காலாசலாவயவ-நீலாப்³ஜத³ம் ̐ஷ்ட்ரத⁴ரணீ-
லீலாஸ்பதோ³ருதல-மூலாஶியோகி³வர-ஜாலாபி⁴வந்தி³த நம: || 7|| 
த³ம்போ⁴லிதீக்ஷ்ணநக²-ஸம்பே⁴தி³தேந்த்³ரரிபு-கும்பீ⁴ந்த்³ர பாஹி க்ருʼபயா 
ஸ்தம்பா⁴ர்ப⁴காஸஹன*  டி³ம்பா⁴ய த³த்தவர க³ம்பீ⁴ரநாத³ந்ருʼஹரே | 
அம்போ⁴தி⁴ஜானுஸர-ணாம்போ⁴ஜபூ⁴பவன-கும்பீ⁴னஸேஶக²க³ராட்-
கும்பீ⁴ந்த்³ரக்ருʼத்தித⁴ர-ஜம்பா⁴ரிஷண்முக²-முகா²ம்போ⁴ருஹாபி⁴நுத மாம் || 8|| 
பிங்கா³க்ஷவிக்ரம-துரங்கா³தி³ஸைன்யசது-ரங்கா³வலிப்தத³னுஜா
ஸாங்கா³த்⁴வரஸ்த²ப³லி-ஸாங்கா³வபாதஹ்ருʼஷி-தாங்கா³மராலிநுத தே | 
ஶ்ருʼங்கா³ரபாத³நக²-துங்கா³க்³ரபி⁴ன்னகன-காங்கா³ண்ட³பாதிதடினீ
துங்கா³திமங்க³ல-தரங்கா³பி⁴பூ⁴தப⁴ஜ-காங்கா³க⁴ வாமன நம: || 9|| 
த்⁴யானார்ஹவாமனத-னோ நாத² பாஹியஜ-மானாஸுரேஶவஸுதா⁴-
தா³னாய யாசனிக*  லீனார்த²வாக்³வஶித-நானாஸத³ஸ்யத³னுஜ | 
மீனாங்கநிர்மல-நிஶாநாத²கோடி-லஸமானாத்மமௌஞ்ஜிகு³ணகௌ- 
பீனாச்ச²ஸூத்ரபத³-யானாதபத்ரகர-கானம்யத³ண்ட³வரப்⁴ருʼத் || 10|| 
தை⁴ர்யாம்பு³தே⁴ பரஶு-சர்யாதி⁴க்ருʼத்தக²ல-வர்யாவனீஶ்வர மஹா-
ஶௌர்யாபி⁴பூ⁴த க்ருʼத-வீர்யாத்மஜாதபு⁴ஜ-வீர்யாவலேபநிகர | 
பா⁴ர்யாபராத⁴குபி-தார்யாக்ஞயா க³லித-நார்யாத்மஸூக³லதரோ
கார்யாऽபராத⁴மவி-சார்யார்யமௌக⁴ஜயி-வீர்யாமிதா மயி த³யா || 11|| 
ஶ்ரீராம லக்ஷ்மணஶு-காராமபூ⁴ரவது கௌ³ராமலாமிதமஹோ-
ஹாராமரஸ்துத-யஶோ ராமகாந்திஸுத-நோ ராமலப்³த⁴கலஹ | 
ஸ்வாராமவர்யரிபு-வீராமயர்த்³தி⁴கர*  சீராமலாவ்ருʼதகடே
ஸ்வாராமத³ர்ஶனஜ-மாராமயாக³தஸு-கோ⁴ராமனோரத²ஹர || 12|| 
ஶ்ரீகேஶவ ப்ரதி³ஶ*  நாகேஶஜாதகபி-லோகேஶப⁴க்³னரவிபூ⁴-
ஸ்தோகேதரார்திஹர-ணாகேவலார்த²ஸுக²-தீ⁴கேகிகாலஜலத³ | 
ஸாகேதநாத² வர-பாகேரமுக்²யஸுத-கோகேன ப⁴க்திமதுலாம்ʼ 
ராகேந்து³பி³ம்ப³முக²*  காகேக்ஷணாபஹ ஹ்ருʼஷீகேஶ தேऽங்க்⁴ரிகமலே || 13|| 
ராமே ந்ருʼணாம்ʼ ஹ்ருʼத³பி⁴ராமே*  நராஶிகுலபீ⁴மே*  மனோऽத்³ய ரமதாம்ʼ 
கோ³மேதி³னீஜயித-போऽமேயகா³தி⁴ஸுத-காமே நிவிஷ்டமனஸி | 
ஶ்யாமே ஸதா³ த்வயி*  ஜிதாமேயதாபஸஜ-ராமே க³தாதி⁴கஸமே
பீ⁴மேஶசாபத³ல-நாமேயஶௌர்யஜித-வாமேக்ஷணே விஜயினி || 14|| 
காந்தாரகே³ஹக²ல-காந்தாரடத்³வத³ன-காந்தாலகாந்தகஶரம்ʼ 
காந்தாऽऽர யாம்பு³ஜனி-காந்தான்வவாயவிது⁴-காந்தாஶ்மபா⁴தி⁴ப ஹரே | 
காந்தாலிலோலத³ல-காந்தாபி⁴ஶோபி⁴தில-காந்தா ப⁴வந்தமனு ஸா
காந்தானுயானஜித-காந்தாரது³ர்க³கட-காந்தா ரமா த்வவது மாம் || 15|| 
தா³ந்தம்ʼ த³ஶானன-ஸுதாந்தம்ʼ த⁴ராமதி⁴-வஸந்தம்ʼ ப்ரசண்ட³தபஸா
க்லாந்தம்ʼ ஸமேத்ய விபி-நாந்தம்ʼ த்வவாப யம-நந்தம்ʼ தபஸ்விபடலம்| 
யாந்தம்ʼ ப⁴வாரதிப⁴-யாந்தம்ʼ மமாஶு ப⁴க³-வந்தம்ʼ ப⁴ரேண ப⁴ஜதாத்
ஸ்வாந்தம்ʼ ஸவாரித³னு-ஜாந்தம்ʼ த⁴ராத⁴ரvfநிஶாந்தம்ʼ*  ஸதாபஸவரம் || 16|| 
ஶம்பாப⁴சாபலவ-கம்பாஸ்தஶத்ருப³ல-ஸம்பாதி³தாமிதயஶா:
ஶம்ʼ பாத³தாமரஸ-ஸம்பாதினோऽலமனு-கம்பாரஸேன தி³ஶ மே | 
ஸம்பாதிபக்ஷிஸஹ-ஜம்ʼ பாபராவணஹ-தம்ʼ பாவனம்ʼ யத³க்ருʼதா²-
ஸ்த்வம்ʼ பாபகூபபதி-தம்ʼ பாஹி மாம்ʼ தத³பி*  பம்பாஸரஸ்தடசர || 17|| 
லோலாக்ஷ்யபேக்ஷித-ஸுலீலாகுரங்க³வத⁴-கே²லாகுதூஹலக³தே
ஸ்வாலாபபூ⁴மிஜனி-பா³லாபஹார்யனுஜ-பாலாத்³ய போ⁴ ஜய ஜய | 
பா³லாக்³னித³க்³த⁴புர-ஶாலானிலாத்மஜனி-பா²லாத்தபத்தலரஜோ
நீலாங்க³தா³தி³கபி-மாலாக்ருʼதாலிபத²-மூலாப்⁴யதீதஜலதே⁴ || 18|| 
தூணீரகார்முக-க்ருʼபாணீகிணாங்கபு⁴ஜ-பாணீ ரவிப்ரதிமபா⁴:
க்ஷோணீத⁴ராலிநிப⁴-கோ⁴ணீமுகா²தி³க⁴ன-வேணீஸுரக்ஷணகர: | 
ஶோணீப⁴வன்–நயன-கோணீஜிதாம்பு³நிதி⁴-பாணீரிதார்ஹணிமணி-
ஶ்ரேணீவ்ருʼதாங்க்⁴ரிரிஹ*  வாணீஶஸூனுவர-வாணீஸ்துதோ விஜயதே || 19|| 
ஹுங்காரபூர்வமத²-டங்காரநாத³மதி-பங்காऽவதா⁴ர்யசலிதா
லங்கா ஶிலோச்சய-விஶங்கா பதத்³பி⁴து³ர-ஶங்காऽऽஸ யஸ்ய த⁴னுஷ: | 
லங்காதி⁴போऽமனுத*  யம்ʼ காலராத்ரிமிவ*  ஶங்காஶதாகுலதி⁴யா
தம்ʼ காலத³ண்ட³ஶத-ஸங்காஶகார்முக-ஶராங்கான்விதம்ʼ ப⁴ஜ ஹரிம் || 20|| 
தீ⁴மானமேயதனு-தா⁴மாऽऽர்தமங்க³லத³-நாமா ரமாகமலபூ⁴-
காமாரிபன்னக³ப-காமாஹிவைரிகு³ரு-ஸோமாதி³வந்த்³யமஹிமா | 
ஸ்தே²மாதி³னாऽபக³த-ஸீமாऽவதாத் ஸக²ல-ஸாமாஜராவணரிபூ
ராமாபி⁴தோ⁴ ஹரிர-பௌ⁴மாக்ருʼதி: ப்ரதன-ஸாமாதி³வேத³விஷய: || 21|| 
தோ³ஷாऽऽத்மபூ⁴வஶது-ராஷாட³திக்ரமஜ-ரோஷாத்மப⁴ர்த்ருʼவசஸா 
பாஷாணபூ⁴தமுனி-யோஷாவராத்மதனு-வேஷாதி³தா³யிசரண: | 
நைஷாத³யோஷித³ஶு-பே⁴ஷாக்ருʼத³ண்ட³ஜனி-தோ³ஷாசராதி³ஶுப⁴தோ³
தோ³ஷாऽக்³ரஜன்மம்ருʼதி-ஶோஷாபஹோऽவது ஸு-தோ³ஷாங்க்⁴ரிஜாதஹனனாத் || 22|| 
வ்ருʼந்தா³வனஸ்த²பஶு-வ்ருʼந்தா³வனம்ʼ வினுத-வ்ருʼந்தா³ரகைகஶரணம்ʼ 
நந்தா³த்மஜம்ʼ நிஹத-நிந்தா³க்ருʼதா³ஸுரஜ-னம்ʼ தா³மப³த்³த⁴ஜட²ரம் | 
வந்தா³மஹே வயம-மந்தா³வதா³தருசி-மந்தா³க்ஷகாரிவத³னம்ʼ
குந்தா³லித³ந்தமுத*  கந்தா³ஸிதப்ரப⁴த-னும்ʼ தா³வராக்ஷஸஹரம் || 23|| 
கோ³பாலகோத்ஸவக்ருʼ-தாபாரப⁴க்ஷ்யரஸ-ஸூபான்னலோபகுபிதா-
ஶாபாலயாபிதல-யாபாம்பு³தா³லிஸலி-லாபாயதா⁴ரிதகி³ரே | 
ஸ்வாபாங்க³த³ர்ஶனஜ-தாபாங்க³ராக³யுத-கோ³பாங்க³னாம்ʼஶுகஹ்ருʼதி-
வ்யாபாரஶௌண்ட³ விவி-தா⁴பாயதஸ்த்வமவ*  கோ³பாரிஜாதஹரண || 24|| 
கம்ʼஸாதி³காஸத³வ-தம்ʼஸாவனீபதிவி-ஹிம்ʼஸாக்ருʼதாத்மஜனுஷம்ʼ 
ஸம்ʼஸாரபூ⁴தமிஹ-ஸம்ʼஸாரப³த்³த⁴மன-ஸம்ʼ ஸாரசித்ஸுக²தனும் | 
ஸம்ʼஸாத⁴யந்தமனி-ஶம்ʼ ஸாத்விகவ்ரஜம-ஹம்ʼ ஸாத³ரம்ʼ ப³த ப⁴ஜே 
ஹம்ʼஸாதி³தாபஸரி-ரம்ʼஸாஸ்பத³ம்ʼ பரம-ஹம்ʼஸாதி³வந்த்³யசரணம் || 25|| 
ராஜீவநேத்ர விது³-ராஜீவ மாமவது*  ராஜீவகேதனவஶம்ʼ 
வாஜீப⁴பத்திந்ருʼப-ராஜீரதா²ன்விதஜ-ராஜீவக³ர்வஶமன | 
வாஜீஶவாஹஸித-வாஜீஶதை³த்யதனு-வாஜீஶபே⁴த³கரதோ³ர்-
ஜாஜீகத³ம்ப³னவ-ராஜீவமுக்²யஸும-ராஜீஸுவாஸிதஶிர: || 26|| 
காலீஹ்ருʼதா³வஸத²-காலீயகுண்ட³லிப-காலீஸ்த²பாத³நக²ரா
வ்யாலீநவாம்ʼஶுகர-வாலீக³ணாருணித-காலீருசே ஜய ஜய | 
கேலீலவாபஹ்ருʼத-காலீஶத³த்தவர-நாலீகத்³ருʼப்ததி³திபூ⁴-
சூலீககோ³பமஹி-லாலீதனூகு⁴ஸ்ருʼண-தூ⁴லீகணாங்கஹ்ருʼத³ய || 27|| 
க்ருʼஷ்ணாதி³பாண்டு³ஸுத-க்ருʼஷ்ணாமன:ப்ரசுர-த்ருʼஷ்ணாஸுத்ருʼப்திகரவாக்
க்ருʼஷ்ணாங்கபாலிரத*  க்ருʼஷ்ணாபி⁴தா⁴க⁴ஹர*  க்ருʼஷ்ணாதி³ஷண்மஹில போ⁴: | 
புஷ்ணாது மாமஜித*  நிஷ்ணாதவார்தி⁴முத³-நுஷ்ணாம்ʼஶுமண்ட³ல ஹரே
ஜிஷ்ணோ கி³ரீந்த்³ரத⁴ர-விஷ்ணோ வ்ருʼஷாவரஜ*  த்⁴ருʼஷ்ணோ ப⁴வான் கருணயா || 
ராமாஶிரோமணித⁴-ராமாஸமேதப³ல-ராமானுஜாபி⁴த⁴ ரதிம்ʼ
வ்யோமாஸுராந்தகர- தே மாரதாத தி³ஶ- மே மாத⁴வாங்க்⁴ரிகமலே | 
காமார்தபௌ⁴மபுர-ராமாவலிப்ரணய-வாமாக்ஷிபீததனுபா⁴
பீ⁴மாஹிநாத²முக²-வைமானிகாபி⁴நுத*  பீ⁴மாபி⁴வந்த்³யசரண || 29|| 
ஸக்ஷ்வேலப⁴க்ஷ்யப⁴ய-தா³க்ஷிஶ்ரவோக³ணஜ-லாக்ஷேபபாஶயமனம்ʼ
லாக்ஷாக்³ருʼஹஜ்வலன-ரக்ஷோஹிடி³ம்ப³ப³க-பை⁴க்ஷான்னபூர்வவிபத³: | 
அக்ஷானுப³ந்த⁴ப⁴வ-ருக்ஷாக்ஷரஶ்ரவண-ஸாக்ஷான்மஹிஷ்யவமதீ
கக்ஷானுயானமத⁴-மக்ஷ்மாபஸேவனம-பீ⁴க்ஷ்ணாபஹாஸமஸதாம் || 30|| 
சக்ஷாண ஏவ நிஜ-பக்ஷாக்³ரபூ⁴த³ஶஶ-தாக்ஷாத்மஜாதி³ஸுஹ்ருʼதா³ம் 
ஆக்ஷேபகாரிகுந்ருʼ-பாக்ஷௌஹிணீஶதப³-லாக்ஷோப⁴தீ³க்ஷிதமனா: | 
தார்க்ஷ்யாஸிசாபஶர-தீக்ஷ்ணாரிபூர்வநிஜ-லக்ஷ்மாணி சாப்யக³ணயன் 
வ்ருʼக்ஷாலயத்⁴வஜ-ரிரக்ஷாகரோ ஜயதி*  லக்ஷ்மீபதிர்யது³பதி: || 31|| 
பு³த்³தா⁴வதார கவி-ப³த்³தா⁴னுகம்ப குரு*  ப³த்³தா⁴ஞ்ஜலௌ மயி த³யாம்ʼ 
ஶௌத்³தோ⁴த³னிப்ரமுக²-ஸைத்⁴தா³ந்திகாஸுக³ம-பௌ³த்³தா⁴க³மப்ரணயன | 
க்ருத்³தா⁴ஹிதாஸுஹ்ருʼதி-ஸித்³தா⁴ஸிகே²டத⁴ர*  ஶுத்³தா⁴ஶ்வயான கமலா-
ஶுத்³தா⁴ந்த மாம்ʼ ருசிபி-நத்³தா⁴கி²லாங்க³நிஜ-மத்³தா⁴ऽவ கல்க்யபி⁴த⁴ போ⁴: || 
ஸாரங்க³க்ருʼத்தித⁴ர-ஸாரங்க³வாரித⁴ர*  ஸாரங்க³ராஜவரதா³-
ஸாரம்ʼ க³தா³ரிதர-ஸாரம்ʼ க³தாத்மமத³-ஸாரம்ʼ க³தௌஷத⁴ப³லம் | 
ஸாரங்க³வத்குஸும-ஸாரம்ʼ க³தம்ʼ ச தவ*  ஸாரங்க³மாங்க்⁴ரியுக³லம்ʼ 
ஸாரங்க³வர்ணமப-ஸாரங்க³தாப்³ஜமத³-ஸாரம்ʼ க³தி³ம்ʼஸ்த்வமவ மாம் || 33|| 
க்³ரீவாஸ்யவாஹதனு-தே³வாண்ட³ஜாதி³த³ஶ-பா⁴வாபி⁴ராமசரிதம்ʼ 
பா⁴வாதிப⁴வ்யஶுப⁴-தீ⁴வாதி³ராஜயதி-பூ⁴வாக்³விலாஸநிலயம் | 
ஶ்ரீவாக³தீ⁴ஶமுக²-தே³வாபி⁴நம்யஹரி-ஸேவார்சனேஷு பட²தாம் 
ஆவாஸ ஏவ ப⁴வி-தாऽவாக்³ப⁴வேதரஸு-ராவாஸலோகநிகரே || 34|| 
||  இதி ஶ்ரீவாதி³ராஜதீர்த²விரசிதா த³ஶாவதாரஸ்துதி: ||