अथ दशावतारस्तोत्रम्
या त्वरा जलसंचारे या त्वरा वेदरक्षणे |

मय्यार्ते करुणामूर्ते सा त्वरा क्व गता हरे || १||

या त्वरा मंदरोद्धारे या त्वरा हतरक्षणे |

मय्यार्ते करुणामूर्ते सा त्वरा क्व गता हरे || २||

या त्वरा क्रोडवेषस्य विधृतौ भूसमुद्धृतौ |

मय्यार्ते करुणामूर्ते सा त्वरा क्व गता हरे || ३||

या त्वरा चांत्रमालायां धारणे पोतरक्षणे |

मय्यार्ते करुणामूर्ते सा त्वरा क्व गता हरे || ४||

या त्वरा वटुवेषस्य धारणे बलिबंधने |

मय्यार्ते करुणामूर्ते सा त्वरा क्व गता हरे || ५||

या त्वरा राजहनने या त्वरा वाक्यरक्षणे |

मय्यार्ते करुणामूर्ते सा त्वरा क्व गता हरे || ६||

या त्वरा रूक्षहनने या त्वरा भ्रातृपालने |

मय्यार्ते करुणामूर्ते सा त्वरा क्व गता हरे || ७||

या त्वरा कपिराजस्य पोषणे सेतुबंधने |

मय्यार्ते करुणामूर्ते सा त्वरा क्व गता हरे || ८||

या त्वरा गोपकन्यानां रक्षणे कंसमारणे |

मय्यार्ते करुणामूर्ते सा त्वरा क्व गता हरे || ९||

या त्वरा भैष्मिहरणे या त्वरा रुक्मिबंधने |

मय्यार्ते करुणामूर्ते सा त्वरा क्व गता हरे || १०||

या त्वरा वैधसंधाककथने बौद्धमोहने |

मय्यार्ते करुणामूर्ते सा त्वरा क्व गता हरे || ११||

या त्वरा तुरगारोहॆ या त्वरा म्लेच्छमारणे |

मय्यार्ते करुणामूर्ते सा त्वरा क्व गता हरे || १२||

सत्यव्रतार्थपुत्रेण भक्त्या कोनेरिणेरितं |

दशावतारस्तवकं पठन् मोक्षमवाप्नुवात् || १३||

|| इति श्रीकोनेरि आचार्यकृतं दशावतार स्तोत्रं ||