atha dAmodarastotraM

matsyAkRRitidhara jaya devesha vedavibodhaka kUrmasvarUpa |
maMdaragiridhara sUkararUpa bhUmividhAraka jaya devesha ||1||

kAMchanalochana naraharirUpa duShTahiraNyakabhaMjana jaya bho |
jaya jaya vAmana balividhvaMsin duShTakulAMtaka bhArgavarUpa ||2||

jaya vishravasaHsutavidhvaMsin jaya kaMsAre yadukulatilaka |
jaya vRRiMdAvanachara devesha devakinaMdana naMdakumAra ||3||

jaya govardhanadhara vatsAre dhenukabhaMjana jaya kaMsAre |
rukmiNinAyaka jaya goviMda satyAvallabha pAMDavabaMdho ||4||

khagavaravAhana jaya pIThAre jaya murabhaMjana pArthasakhe tvam |
bhaumavinAshaka durjanahArin sajjanapAlaka jaya devesha ||5||

shubhaguNapUrita jaya vishvesha jaya puruShottama nityavibodha |
bhUmibharAMtakakAraNarUpa jaya kharabhaMjana devavareNya ||6||

vidhibhavamukhasurasatatasuvaMditasachcharaNAMbuja kaMjasunetra |
sakalasurAsuranigrahakArin pUtanimAraNa jaya devesha ||7||

yadbhrUvibhramamAtrAttadidamAkamalAsanashaMbhuvipAdyam |
sRRiShTisthitilayamRRichChati sarvaM sthiracharavallabha sa tvaM jaya bho ||8||

jayayamalArjunabhaMjanamUrte jaya gopIkuchakuMkumAMkitAMga |
pAMchAlIparipAlana jaya bho jaya gopIjanaraMjana jaya bho ||9||

jaya rAsotsavarata lakShmIsha satatasukhArNava jaya kaMjAkSha |
jaya jananIkarapAshasubaddha haraNAnnavanItasya suresha ||10||

bAlakrIDanapara jaya bho tvaM munivaravaMditapadapadmesha |
kAliyaphaNiphaNamardana jaya bho
dvijapatnyarpitamatsi vibho.annam ||11||

kShIrAMbudhikRRitanilayana deva varada mahAbala jaya jaya kAMta |
durjanamohaka buddhasvarUpa sajjanabodhaka kalkisvarUpa |
jaya yugakRRiddurjanavidhvaMsin jaya jaya jaya bho jaya vishvAtman ||12||

iti maMtraM paThanneva kuryAnnIrAjanaM budhaH |
ghaTikAdvayashiShTAyAM snAnaM kuryAdyathAvidhi ||13||

|| iti dAmodarastotram ||