ப்³ரஹ்மபாரஸ்தவ​: 
அத² வராஹபுராணோக்த​: ப்³ரஹ்மபாரஸ்தவ​: 
ப்ரசேதஸ​: ஊசு​: 
ப்³ரஹ்மபாரம்ʼ முனே ஸ்²ரோதும்ʼ 
இச்சா²ம​: பரமம்ʼ ஸ்தவம்ʼ | 
ஜபதா கண்டு³னா தே³வோ 
யேனாராத்⁴யத கேஸ²வ​: || 1|| 
ஸோம உவாச 
பார​: பரம்ʼ விஷ்ணுரபாரபார​: 
பர​: பராணாமபி பாரபார​: | 
ஸ ப்³ரஹ்மபார​: பரபாரபூ⁴த​: 
பர​: பரேப்⁴ய​: பரமார்த²ரூபி || 2|| 
ஸ காரணம்ʼ காரணதஸ்தஸோபி 
தஸ்யாபி ஹேது​: பரஹேதுஹேது​: | 
கார்யேஷு சைவம்ʼ ஸ ஹி கர்மகர்த்ருʼ-
ரூபைரஸே²ஷைரவதீஹ ஸர்வம் || 3|| 
ப்³ரஹ்மப்ரபு⁴ப்³ரஹ்ம ஸ ஸர்வபூ⁴தோ 
ப்³ரஹ்ம ப்ரஜானாம்ʼ பதிரச்யுதோ(அ)ஸௌ | 
ப்³ரஹ்மாவ்யயம்ʼ நித்யமஜம்ʼ ஸ விஷ்ணு-
ரபக்ஷயாத்³யைரகி²லைரஸங்கீ³ || 4|| 
ப்³ரஹ்மாக்ஷரமஜம்ʼ நித்யம்ʼ 
யதா²ஸௌ புருஷோத்தம​: | 
ததா² ராகா³த³யோ தோ³ஷா​: 
ப்ரயாந்து ப்ரஸ²மம்ʼ மம || 5|| 
ஏவம்ʼ வை ப்³ரஹ்மபராக்²யம்ʼ 
ஸம்ʼஸ்தவம்ʼ பரமம்ʼ ஜபன் | 
அவாப பரமாம்ʼ ஸித்³தி⁴ம்ʼ 
ஸ ஸமராத்⁴ய கேஸ²வம் || 6|| 
||  இதி வராஹபுராணோக்த​: ப்³ரஹ்மபாரஸ்தவ​: ||