ಬ್ರಹ್ಮಪಾರಸ್ತವಃ 
ಅಥ ವರಾಹಪುರಾಣೋಕ್ತಃ ಬ್ರಹ್ಮಪಾರಸ್ತವಃ 
ಪ್ರಚೇತಸಃ ಊಚುಃ 
ಬ್ರಹ್ಮಪಾರಂ ಮುನೇ ಶ್ರೋತುಂ 
ಇಚ್ಛಾಮಃ ಪರಮಂ ಸ್ತವಂ |
ಜಪತಾ ಕಂಡುನಾ ದೇವೋ 
ಯೇನಾರಾಧ್ಯತ ಕೇಶವಃ ||1||
ಸೋಮ ಉವಾಚ 
ಪಾರಃ ಪರಂ ವಿಷ್ಣುರಪಾರಪಾರಃ 
ಪರಃ ಪರಾಣಾಮಪಿ ಪಾರಪಾರಃ |
ಸ ಬ್ರಹ್ಮಪಾರಃ ಪರಪಾರಭೂತಃ 
ಪರಃ ಪರೇಭ್ಯಃ ಪರಮಾರ್ಥರೂಪಿ ||2||
ಸ ಕಾರಣಂ ಕಾರಣತಸ್ತಸೋಪಿ 
ತಸ್ಯಾಪಿ ಹೇತುಃ ಪರಹೇತುಹೇತುಃ |
ಕಾರ್ಯೇಷು ಚೈವಂ ಸ ಹಿ ಕರ್ಮಕರ್ತೃ-
ರೂಪೈರಶೇಷೈರವತೀಹ ಸರ್ವಮ್ ||3||
ಬ್ರಹ್ಮಪ್ರಭುಬ್ರಹ್ಮ ಸ ಸರ್ವಭೂತೋ 
ಬ್ರಹ್ಮ ಪ್ರಜಾನಾಂ ಪತಿರಚ್ಯುತೋಽಸೌ |
ಬ್ರಹ್ಮಾವ್ಯಯಂ ನಿತ್ಯಮಜಂ ಸ ವಿಷ್ಣು-
ರಪಕ್ಷಯಾದ್ಯೈರಖಿಲೈರಸಂಗೀ ||4||
ಬ್ರಹ್ಮಾಕ್ಷರಮಜಂ ನಿತ್ಯಂ 
ಯಥಾಸೌ ಪುರುಷೋತ್ತಮಃ |
ತಥಾ ರಾಗಾದಯೋ ದೋಷಾಃ 
ಪ್ರಯಾಂತು ಪ್ರಶಮಂ ಮಮ ||5||
ಏವಂ ವೈ ಬ್ರಹ್ಮಪರಾಖ್ಯಂ 
ಸಂಸ್ತವಂ ಪರಮಂ ಜಪನ್ |
ಅವಾಪ ಪರಮಾಂ ಸಿದ್ಧಿಂ 
ಸ ಸಮರಾಧ್ಯ ಕೇಶವಮ್ ||6||
|| ಇತಿ ವರಾಹಪುರಾಣೋಕ್ತಃ ಬ್ರಹ್ಮಪಾರಸ್ತವಃ ||