అథ వరాహపురాణోక్తః బ్రహ్మపారస్తవః
ప్రచేతసః ఊచుః
బ్రహ్మపారం మునే శ్రోతుం
ఇచ్ఛామః పరమం స్తవం |

జపతా కండునా దేవో
యేనారాధ్యత కేశవః || 1||

సోమ ఉవాచ
పారః పరం విష్ణురపారపారః
పరః పరాణామపి పారపారః |

స బ్రహ్మపారః పరపారభూతః
పరః పరేభ్యః పరమార్థరూపి || 2||

స కారణం కారణతస్తసోపి
తస్యాపి హేతుః పరహేతుహేతుః |

కార్యేషు చైవం స హి కర్మకర్తృ-
రూపైరశేషైరవతీహ సర్వం || 3||

బ్రహ్మప్రభుబ్రహ్మ స సర్వభూతో
బ్రహ్మ ప్రజానాం పతిరచ్యుతోఽసౌ |

బ్రహ్మావ్యయం నిత్యమజం స విష్ణు-
రపక్షయాద్యైరఖిలైరసంగీ || 4||

బ్రహ్మాక్షరమజం నిత్యం
యథాసౌ పురుషోత్తమః |

తథా రాగాదయో దోషాః
ప్రయాంతు ప్రశమం మమ || 5||

ఏవం వై బ్రహ్మపరాఖ్యం
సంస్తవం పరమం జపన్ |

అవాప పరమాం సిద్ధిం
స సమరాధ్య కేశవం || 6||

|| ఇతి వరాహపురాణోక్తః బ్రహ్మపారస్తవః ||