atha varāhapurāṇoktaḥ brahmapārastavaḥ
pracetasaḥ ūcuḥ
brahmapāraṁ mune śrotuṁ
icchāmaḥ paramaṁ stavaṁ |

japatā kaṁḍunā devo
yenārādhyata keśavaḥ ||1||

soma uvāca
pāraḥ paraṁ viṣṇurapārapāraḥ
paraḥ parāṇāmapi pārapāraḥ |

sa brahmapāraḥ parapārabhūtaḥ
paraḥ parebhyaḥ paramārtharūpi ||2||

sa kāraṇaṁ kāraṇatastasopi
tasyāpi hetuḥ parahetuhetuḥ |

kāryeṣu caivaṁ sa hi karmakartṛ-
rūpairaśeṣairavatīha sarvam ||3||

brahmaprabhubrahma sa sarvabhūto
brahma prajānāṁ patiracyuto'sau |

brahmāvyayaṁ nityamajaṁ sa viṣṇu-
rapakṣayādyairakhilairasaṁgī ||4||

brahmākṣaramajaṁ nityaṁ
yathāsau puruṣottamaḥ |

tathā rāgādayo doṣāḥ
prayāṁtu praśamaṁ mama ||5||

evaṁ vai brahmaparākhyaṁ
saṁstavaṁ paramaṁ japan |

avāpa paramāṁ siddhiṁ
sa samarādhya keśavam ||6||

|| iti varāhapurāṇoktaḥ brahmapārastavaḥ ||