ப்³ரஹ்மஸூத்ராணுபா⁴ஷ்யம்
|| அத² ப்³ரஹ்மஸூத்ராணுபா⁴ஷ்யம் த்ருʼதீயோऽத்⁴யாய: ||
ஶுபே⁴ன கர்மணா ஸ்வர்க³ம்ʼ நிரயம்ʼ ச விகர்மணா | 
மித்²யாக்ஞானேன ச தமோ க்ஞானேனைவ பரம்ʼ பத³ம்	|| 1|| 
யாதி தஸ்மாத்³விரக்த: ஸன் க்ஞானமேவ ஸமாஶ்ரயேத் |  
ஸர்வாவஸ்தா²ப்ரேரகஶ்ச ஸர்வரூபேஷ்வபே⁴த³வான்	|| 2|| 
ஸர்வதே³ஶேஷு காலேஷு ஸ ஏக: பரமேஶ்வர: | 
தத்³ப⁴க்திதாரதம்யேன தாரதம்யம்ʼ விமுக்திக³ம்	|| 3|| 
ஸச்சிதா³னந்த³ ஆத்மேதி மானுஷைஸ்து ஸுரேஶ்வரை: | 
யதா²க்ரமம்ʼ ப³ஹுகு³ணை: ப்³ரஹ்மணா த்வகி²லைர்கு³ணை:	|| 4|| 
உபாஸ்ய: ஸர்வவேதை³ஶ்ச ஸர்வைரபி யதா²ப³லம் | 
க்ஞேயோ விஷ்ணுர்விஶேஷஸ்து க்ஞானே ஸ்யாது³த்தரோத்தரம்	|| 5|| 
ஸர்வேபி புருஷார்தா²: ஸ்யுர்க்ஞானாதே³வ ந ஸம்ʼஶய: | 
ந லிப்யதே க்ஞானவாம்ʼஶ்ச ஸர்வதோ³ஷைரபி க்வசித்	|| 6|| 
கு³ணதோ³ஷை: ஸுக²ஸ்யாபி வ்ருʼத்³தி⁴ஹ்ராஸௌ விமுக்திகௌ³ | 
- -ந்ருʼணாம்ʼ ஸுராணாம்ʼ முக்தௌ து ஸுக²ம்ʼ க்ல்ருʼப்தம்ʼ யதா²க்ரமம்	|| 7|| 
|| இதிப்³ரஹ்மஸூத்ராணுபா⁴ஷ்யேத்ருʼதீயோऽத்⁴யாய:||