ப்³ரஹ்மஸூத்ராணுபா⁴ஷ்யம்
|| அத² ப்³ரஹ்மஸூத்ராணுபா⁴ஷ்யம் த்³விதீயோऽத்⁴யாய: ||
ஶ்ரௌதஸ்ம்ருʼதிவிருத்³த⁴த்வாத் ஸ்ம்ருʼதயோ ந கு³ணான் ஹரே: | 
நிஷேத்³து⁴ம்ʼ ஶக்னுயுர்வேதா³ நித்யத்வான்மானமுத்தமம்	|| 1|| 
தே³வதாவசனாதா³போ வத³ந்தீத்யாதி³கம்ʼ வச: | 
நாயுக்தவாத்³யஸன்னைவ காரணம்ʼ த்³ருʼஶ்யதே க்வசித்	|| 2|| 
அஸஜ்ஜீவப்ரதா⁴னாதி³ஶப்³தா³ ப்³ரஹ்மைவ நாபரம் | 
வத³ந்தி காரணத்வேன க்வாபி பூர்ணகு³ணோ ஹரி:	|| 3|| 
ஸ்வாதந்த்ரியாத் ஸர்வகர்த்ருʼத்வான்னாயுக்தம்ʼ தத்³வதே³ச்ச்²ருதி: | 
ப்⁴ராந்திமூலதயா ஸர்வஸமயானாமயுக்தித:	|| 4|| 
ந தத்³விரோதா⁴த்³வசனம்ʼ வைதி³கம்ʼ ஶங்க்யதாம்ʼ வ்ரஜேத் | 
ஆகாஶாதி³ஸமஸ்தம்ʼ ச தஜ்ஜம்ʼ தேனைவ லீயதே	|| 5|| 
ஸோऽநுத்பத்திலய: கர்தா ஜீவஸ்தத்³வஶக³: ஸதா³ | 
ததா³பா⁴ஸோ ஹரி: ஸர்வரூபேஷ்வபி ஸம: ஸதா³	|| 6|| 
முக்²யப்ராணஶ்சேந்த்³ரியாணி தே³ஹஶ்சைவ தது³த்³ப⁴வ: | 
முக்²யப்ராணவஶே ஸர்வம்ʼ ஸ விஷ்ணோர்வஶக³: ஸதா³	|| 7|| 
ஸர்வதோ³ஷோஜ்ஜி⁴தஸ்தஸ்மாத்³ ப⁴க³வான் புருஷோத்தம: | 
உக்தா கு³ணாஶ்சாவிருத்³தா⁴ஸ்தஸ்ய வேதே³ன ஸர்வஶ:	|| 8|| 
|| இதிப்³ரஹ்மஸூத்ராணுபா⁴ஷ்யே த்³விதீயோऽத்⁴யாய:||