|| atha brahmasUtrANubhAShyam dvitIyo.adhyAyaH ||

shrautasmRRitiviruddhatvAt smRRitayo na guNAn hareH |
niSheddhuM shaknuyurvedA nityatvAnmAnamuttamam ||1||

devatAvachanAdApo vadaMtItyAdikaM vachaH |
nAyuktavAdyasannaiva kAraNaM dRRishyate kvachit ||2||

asajjIvapradhAnAdishabdA brahmaiva nAparam |
vadaMti kAraNatvena kvApi pUrNaguNo hariH ||3||

svAtaMtryAt sarvakartRRitvAnnAyuktaM tadvadechChrutiH |
bhrAMtimUlatayA sarvasamayAnAmayuktitaH ||4||

na tadvirodhAdvachanaM vaidikaM shaMkyatAM vrajet |
AkAshAdisamastaM cha tajjaM tenaiva lIyate ||5||

so.anutpattilayaH kartA jIvastadvashagaH sadA |
tadAbhAso hariH sarvarUpeShvapi samaH sadA ||6||

mukhyaprANashcheMdriyANi dehashchaiva tadudbhavaH |
mukhyaprANavashe sarvaM sa viShNorvashagaH sadA ||7||

sarvadoShojjhitastasmAd bhagavAn puruShottamaH |
uktA guNAshchAviruddhAstasya vedena sarvashaH ||8||

|| iti brahmasUtrANubhAShye dvitIyo.adhyAyaH ||