ப்³ரஹ்மஸூத்ராணுபா⁴ஷ்யம்
|| அத² ப்³ரஹ்மஸூத்ராணுபா⁴ஷ்யம் ப்ரத²மோऽத்⁴யாய: ||
நாராயணம்ʼ கு³ணை: ஸர்வைருதீ³ர்ணம்ʼ தோ³ஷவர்ஜிதம் | 
க்ஞேயம்ʼ க³ம்யம்ʼ கு³ரூம்ʼஶ்சாபி நத்வா ஸூத்ரார்த² உச்யதே	|| 1|| 
விஷ்ணுரேவ விஜிக்ஞாஸ்ய: ஸர்வகர்தாக³மோதி³த: | 
ஸமன்வயாதீ³க்ஷதேஶ்ச பூர்ணானந்தோ³ந்தர: க²வத்	|| 2|| 
ப்ரணேதா ஜ்யோதிரித்யாத்³யை: ப்ரஸித்³தை⁴ரன்யவஸ்துஷு | 
உச்யதே விஷ்ணுரேவைக: ஸர்வை: ஸர்வகு³ணத்வத:	|| 3|| 
ஸர்வகோ³ऽத்தா நியந்தா ச த்³ருʼஶ்யத்வாத்³யுஜ்ஜி⁴த: ஸதா³ |  
விஶ்வஜீவாந்தரத்வாத்³யைர்லிங்கை³: ஸர்வைர்யுத: ஸ ஹி	|| 4|| 
ஸர்வாஶ்ரய: பூர்ணகு³ண: ஸோऽக்ஷர: ஸன் ஹ்ருʼத³ப்³ஜக³: | 
ஸூர்யாதி³பா⁴ஸக: ப்ராணப்ரேரகோ தை³வதைரபி	|| 5|| 
க்ஞேயோ ந வேதை³: ஶூத்³ராத்³யை: கம்பகோऽன்யஶ்ச ஜீவத: |  
பதித்வாதி³கு³ணைர்யுக்தஸ்தத³ன்யத்ர ச வாசகை:	|| 6|| 
முக்²யத: ஸர்வஶப்³தை³ஶ்ச வாச்ய ஏகோ ஜனார்த³ன: | 
அவ்யக்த: கர்மவாக்யைஶ்ச வாச்ய ஏகோऽமிதாத்மக:	|| 7|| 
அவாந்தரம்ʼ காரணம்ʼ ச ப்ரக்ருʼதி: ஶூன்யமேவ ச | 
இத்யாத்³யன்யத்ரநியதைரபி முக்²யதயோதி³த:	|| 
ஶப்³தை³ரதோऽநந்தகு³ணோ யச்ச²ப்³தா³ யோக³வ்ருʼத்தய:	|| 8|| 
|| இதிப்³ரஹ்மஸூத்ராணுபா⁴ஷ்யே ப்ரத²மோऽத்⁴யாய:||