|| atha brahmasUtrANubhAShyam prathamo.adhyAyaH ||

nArAyaNaM guNaiH sarvairudIrNaM doShavarjitam |
j~neyaM gamyaM gurUMshchApi natvA sUtrArtha uchyate ||1||

viShNureva vijij~nAsyaH sarvakartAgamoditaH |
samanvayAdIkShateshcha pUrNAnaMdoMtaraH khavat ||2||

praNetA jyotirityAdyaiH prasiddhairanyavastuShu |
uchyate viShNurevaikaH sarvaiH sarvaguNatvataH ||3||

sarvago.attA niyaMtA cha dRRishyatvAdyujjhitaH sadA |
vishvajIvAMtaratvAdyairliMgaiH sarvairyutaH sa hi ||4||

sarvAshrayaH pUrNaguNaH so.akSharaH san hRRidabjagaH |
sUryAdibhAsakaH prANaprerako daivatairapi ||5||

j~neyo na vedaiH shUdrAdyaiH kaMpako.anyashcha jIvataH |
patitvAdiguNairyuktastadanyatra cha vAchakaiH ||6||

mukhyataH sarvashabdaishcha vAchya eko janArdanaH |
avyaktaH karmavAkyaishcha vAchya eko.amitAtmakaH ||7||

avAMtaraM kAraNaM cha prakRRitiH shUnyameva cha |
ityAdyanyatraniyatairapi mukhyatayoditaH||

shabdairato.anaMtaguNo yachChabdA yogavRRittayaH ||8||

|| iti brahmasUtrANubhAShye prathamo.adhyAyaH ||