బుద్ధాష్టకం
అథ బుద్ధాష్టకం
సతాం జ్ఞానప్రదాతా చ 
భ్రాంతిదో హ్యసతాం సదా | 
శుద్ధో బుద్ధో వృద్ధిదాతా 
నిత్యం స్యాద్బుద్ధిదాయకః || 1|| 
మోహకః ఖలవృందానాం 
సాత్వికానాం ప్రబోధకః | 
శోషకః పాపసంఘానాం 
బుద్ధః స్యాద్బుద్ధిదాయకః || 2|| 
సర్వజ్ఞః సర్వశాస్తా చ 
శర్వవంద్యో హ్యఖర్వధీః | 
అగర్వమోదదాయి స్యాత్ 
స బద్ధో బుద్ధిదాయకః || 3|| 
శక్రజ్ఞానప్రదః సాక్షాత్ 
శుక్రశిష్యవిమోహకః | 
నక్రాభయప్రదాతా స 
బుద్ధః స్యాద్బుద్ధిదాయకః || 4|| 
విరక్తో రక్తిమాన్ భక్తే 
నక్తంచరవిమోహకః | 
సక్తాయ స్వపదాంభోజే 
బుద్ధః స్యాద్బుద్ధిదాయకః || 5|| 
నమో బ్రహ్మాదిభిర్దేవై-
ర్గమ్యః సుజ్ఞానిభిః సదా | 
దమ్యదైత్యాన్ దమయితా 
రమ్యో బుద్ధోస్తు బుద్ధిదః || 6|| 
స్తవ్యః సర్వమునీంద్రైశ్చ 
నవ్యరూపః శుభాశ్రయః | 
భవ్యధర్మప్రదః శ్రీశో 
బుద్ధః స్యాద్బుద్ధిదాయకః || 7|| 
జిష్ణురప్రాకృతాకారో 
విష్ణురూపి నిరంజనః | 
ఋద్ధిమానిష్టదాతా చ 
బుద్ధః స్యాత్ బుద్ధిదాయకః || 8|| 
ఇతి బుద్ధాష్టకం నిత్యం 
త్రికాలం యః పఠేన్నరః  | 
కలిదోషాన్ నిహత్యాషు 
జ్ఞానవృద్ధిం లభేత్ క్షణాత్ || 9|| 
||  ఇతి శ్రీబుద్ధాష్టకం ||