ಬುದ್ಧಾಷ್ಟಕಂ
ಅಥ ಬುದ್ಧಾಷ್ಟಕಂ
ಸತಾಂ ಜ್ಞಾನಪ್ರದಾತಾ ಚ 
ಭ್ರಾಂತಿದೋ ಹ್ಯಸತಾಂ ಸದಾ |
ಶುದ್ಧೋ ಬುದ್ಧೋ ವೃದ್ಧಿದಾತಾ 
ನಿತ್ಯಂ ಸ್ಯಾದ್ಬುದ್ಧಿದಾಯಕಃ ||1||
ಮೋಹಕಃ ಖಲವೃಂದಾನಾಂ 
ಸಾತ್ವಿಕಾನಾಂ ಪ್ರಬೋಧಕಃ |
ಶೋಷಕಃ ಪಾಪಸಂಘಾನಾಂ 
ಬುದ್ಧಃ ಸ್ಯಾದ್ಬುದ್ಧಿದಾಯಕಃ ||2||
ಸರ್ವಜ್ಞಃ ಸರ್ವಶಾಸ್ತಾ ಚ 
ಶರ್ವವಂದ್ಯೋ ಹ್ಯಖರ್ವಧೀಃ |
ಅಗರ್ವಮೋದದಾಯಿ ಸ್ಯಾತ್ 
ಸ ಬದ್ಧೋ ಬುದ್ಧಿದಾಯಕಃ ||3||
ಶಕ್ರಜ್ಞಾನಪ್ರದಃ ಸಾಕ್ಷಾತ್ 
ಶುಕ್ರಶಿಷ್ಯವಿಮೋಹಕಃ |
ನಕ್ರಾಭಯಪ್ರದಾತಾ ಸ 
ಬುದ್ಧಃ ಸ್ಯಾದ್ಬುದ್ಧಿದಾಯಕಃ ||4||
ವಿರಕ್ತೋ ರಕ್ತಿಮಾನ್ ಭಕ್ತೇ 
ನಕ್ತಂಚರವಿಮೋಹಕಃ |
ಸಕ್ತಾಯ ಸ್ವಪದಾಂಭೋಜೇ 
ಬುದ್ಧಃ ಸ್ಯಾದ್ಬುದ್ಧಿದಾಯಕಃ ||5||
ನಮೋ ಬ್ರಹ್ಮಾದಿಭಿರ್ದೇವೈ-
ರ್ಗಮ್ಯಃ ಸುಜ್ಞಾನಿಭಿಃ ಸದಾ |
ದಮ್ಯದೈತ್ಯಾನ್ ದಮಯಿತಾ 
ರಮ್ಯೋ ಬುದ್ಧೋಸ್ತು ಬುದ್ಧಿದಃ ||6||
ಸ್ತವ್ಯಃ ಸರ್ವಮುನೀಂದ್ರೈಶ್ಚ 
ನವ್ಯರೂಪಃ ಶುಭಾಶ್ರಯಃ |
ಭವ್ಯಧರ್ಮಪ್ರದಃ ಶ್ರೀಶೋ 
ಬುದ್ಧಃ ಸ್ಯಾದ್ಬುದ್ಧಿದಾಯಕಃ ||7||
ಜಿಷ್ಣುರಪ್ರಾಕೃತಾಕಾರೋ 
ವಿಷ್ಣುರೂಪಿ ನಿರಂಜನಃ |
ಋದ್ಧಿಮಾನಿಷ್ಟದಾತಾ ಚ 
ಬುದ್ಧಃ ಸ್ಯಾತ್ ಬುದ್ಧಿದಾಯಕಃ ||8||
ಇತಿ ಬುದ್ಧಾಷ್ಟಕಂ ನಿತ್ಯಂ 
ತ್ರಿಕಾಲಂ ಯಃ ಪಠೇನ್ನರಃ  | 
ಕಲಿದೋಷಾನ್ ನಿಹತ್ಯಾಷು 
ಜ್ಞಾನವೃದ್ಧಿಂ ಲಭೇತ್ ಕ್ಷಣಾತ್ ||9||
|| ಇತಿ ಶ್ರೀಬುದ್ಧಾಷ್ಟಕಂ ||