atha buddhAShTakaM
satAM j~nAnapradAtA cha
bhrAMtido hyasatAM sadA |

shuddho buddho vR^iddhidAtA
nityaM syAdbuddhidAyakaH ||1||

mohakaH khalavR^iMdAnAM
sAtvikAnAM prabodhakaH |

shoShakaH pApasaMghAnAM
buddhaH syAdbuddhidAyakaH ||2||

sarvaj~naH sarvashAstA cha
sharvavaMdyo hyakharvadhIH |

agarvamodadAyi syAt
sa baddho buddhidAyakaH ||3||

shakraj~nAnapradaH sAkShAt
shukrashiShyavimohakaH |

nakrAbhayapradAtA sa
buddhaH syAdbuddhidAyakaH ||4||

virakto raktimAn bhakte
naktaMcharavimohakaH |

saktAya svapadAMbhoje
buddhaH syAdbuddhidAyakaH ||5||

namo brahmAdibhirdevai-
rgamyaH suj~nAnibhiH sadA |

damyadaityAn damayitA
ramyo buddhostu buddhidaH ||6||

stavyaH sarvamunIMdraishcha
navyarUpaH shubhAshrayaH |

bhavyadharmapradaH shrIsho
buddhaH syAdbuddhidAyakaH ||7||

jiShNuraprAkR^itAkAro
viShNurUpi niraMjanaH |

R^iddhimAniShTadAtA cha
buddhaH syAt buddhidAyakaH ||8||

iti buddhAShTakaM nityaM
trikAlaM yaH paThennaraH |

kalidoShAn nihatyAShu
j~nAnavR^iddhiM labhet kShaNAt ||9||

|| iti shrIbuddhAShTakaM ||