अथ बुद्धाष्टकं
सतां ज्ञानप्रदाता च
भ्रांतिदो ह्यसतां सदा |

शुद्धो बुद्धो वृद्धिदाता
नित्यं स्याद्बुद्धिदायकः || १||

मोहकः खलवृंदानां
सात्विकानां प्रबोधकः |

शोषकः पापसंघानां
बुद्धः स्याद्बुद्धिदायकः || २||

सर्वज्ञः सर्वशास्ता च
शर्ववंद्यो ह्यखर्वधीः |

अगर्वमोददायि स्यात्
स बद्धो बुद्धिदायकः || ३||

शक्रज्ञानप्रदः साक्षात्
शुक्रशिष्यविमोहकः |

नक्राभयप्रदाता स
बुद्धः स्याद्बुद्धिदायकः || ४||

विरक्तो रक्तिमान् भक्ते
नक्तंचरविमोहकः |

सक्ताय स्वपदांभोजे
बुद्धः स्याद्बुद्धिदायकः || ५||

नमो ब्रह्मादिभिर्देवै-
र्गम्यः सुज्ञानिभिः सदा |

दम्यदैत्यान् दमयिता
रम्यो बुद्धोस्तु बुद्धिदः || ६||

स्तव्यः सर्वमुनींद्रैश्च
नव्यरूपः शुभाश्रयः |

भव्यधर्मप्रदः श्रीशो
बुद्धः स्याद्बुद्धिदायकः || ७||

जिष्णुरप्राकृताकारो
विष्णुरूपि निरंजनः |

ऋद्धिमानिष्टदाता च
बुद्धः स्यात् बुद्धिदायकः || ८||

इति बुद्धाष्टकं नित्यं
त्रिकालं यः पठेन्नरः |

कलिदोषान् निहत्याषु
ज्ञानवृद्धिं लभेत् क्षणात् || ९||

|| इति श्रीबुद्धाष्टकं ||