ஸ்ரீ பூ⁴வராஹாஷ்டோத்தரஸ்தவ​: 
அத² ஸ்ரீ பூ⁴வராஹாஷ்டோத்தரஸ்தவ​: 
ஸ்²வேதம்ʼ ஸுத³ர்ஸ²னத³ராங்கிதபா³ஹுயுக்³மம்ʼ | 
த³ம்ʼஷ்ட்ராகராலவத³னம்ʼ த⁴ரயா ஸமேதம் || 1||
ப்³ரஹ்மாதி³பி⁴​: ஸுரக³ணை​: பரிஸேவ்யமாணம்ʼ |
த்⁴யாயேத்³வராஹவபுஷம்ʼ நிக³மைகவேத்³யம் || 2|| 
ஸ்ரீவராஹோ மஹீனாத²​: பூர்ணானந்தோ³ ஜக³த்பதி​: | 
நிர்கு³ணோ நிஷ்கலோ(அ)நந்தோ த³ண்ட³காந்தக்ருʼத³வ்யய​: || 3|| 
ஹிரண்யாக்ஷாந்தக்ருʼத்³தே³வ​: பூர்ணஷாட்³கு³ண்யவிக்³ரஹ​: | 
லயோத³தி⁴விஹாரீ ச ஸர்வப்ராணிஹிதேரத​: || 4|| 
அனந்தரூபோ(அ)நந்தஸ்ரீர்ஜிதமன்யுர்ப⁴யாபஹ​: | 
வேதா³ந்தவேத்³யோ வேதி³ ச வேத³க³ர்ப⁴​: ஸனாதன​: || 5|| 
ஸஹஸ்ராக்ஷ​: புண்யக³ந்த⁴​: கல்பக்ருʼத் க்ஷிதிப்⁴ருʼத்³த⁴ரி​: | 
பத்³மனாப⁴​: ஸுராத்⁴யக்ஷோ ஹேமாங்கோ³ த³க்ஷிணாமுக²​: || 6|| 
மஹாகோலோ மஹாபா³ஹு​: ஸர்வதே³வனமஸ்க்ரத​: | 
ஹ்ருʼஷீகேஸ²​: ப்ரஸன்னாத்மா ஸர்வப⁴க்தப⁴யாபஹ​: || 7|| 
யஜ்ஞக்ருʼத்³யஜ்ஞப்⁴ருʼத் ஸாக்ஷீ யஜ்ஞாங்கோ³ யஜ்ஞவாஹன​: | 
ஹவ்யபு⁴க்³ ஹவ்யதே³ஹஸ்²ச ஸதா³(அ)வ்யக்த​: க்ருʼபாகர​: || 8|| 
தே³வஹூதிர்கு³ரு​: காந்தோ த⁴ர்மகு³ஹ்யோ வ்ருʼஷாகபி​: | 
ஸ்ரவத்துண்டோ³ வக்ரதுண்டோ³ நீலகேஸோ² மஹாப³ல​: || 9|| 
பூதாத்மா வேத³னேதா ச வேத³ஹர்த்ருʼஸி²ரோஹர​: | 
வேதா³ந்தவித்³வேத³கு³ஹ்ய​: ஸர்வவேத³ப்ரவர்தக​: || 10|| 
க³ம்பீ⁴ராக்ஷஸ்த்ரிதா⁴மா ச க³ம்பீ⁴ராத்மா(அ)மரேஸ்²வர​: | 
ஆனந்த³வனகோ³ தி³வ்யோ ப்³ரஹ்மனாஸாஸமுத்³ப⁴வ​: || 11|| 
ஸிந்து⁴தீரனிவாஸீ ச க்ஷேமக்ருʼத் ஸாத்வதாம்ʼ பதி​: | 
இந்த்³ரத்ராதா ஜக³த்த்ராதா சேந்த்³ரதோ³ர்த³ண்ட³க³ர்வஹா || 12|| 
ப⁴க்தவஸ்²ய​: ஸதா³வ்யக்தோ நிஜானந்தோ³ ரமாபதி​: | 
ஸ்²ருதிப்ரிய​: ஸு²பா⁴ங்க³ஸ்²ச புண்யஸ்²ரவணகீர்தன​: || 13|| 
ஸத்யக்ருʼத் ஸத்யஸங்கல்ப​: ஸத்யவாக் ஸத்யவிக்ரம​: | 
ஸத்யேனிகூ³ட⁴​: ஸத்யாத்மா காலாதீதோ கு³ணாதீக³​: || 14|| 
பரஞ்ஜ்யோதி​: பரந்தா⁴ம பரம​: புருஷ​: பர​: | 
கல்யாணக்ருʼத் கவி​: கர்தா கர்மஸாக்ஷீ ஜிதேந்த்³ரிய​: || 15|| 
கர்மக்ருʼத் கர்மகாண்ட³ஸ்ய ஸம்ப்ரதா³யப்ரவர்தக​: | 
ஸர்வாந்தக³​: ஸர்வக³ஸ்²ச ஸர்வத³​: ஸர்வப⁴க்ஷக​: || 16|| 
ஸர்வலோகபதி​: ஸ்ரீமான் ஸ்ரீமுஷ்ணேஸ²​: ஸு²பே⁴க்ஷண​: | 
ஸர்வஸாக்ஷீ ஸர்வதே³வப்ரிய​: ஸர்வேஸ்²வரோ ஹரி​: || 17|| 
அஷ்டோத்தரஸ²தம்ʼ புண்யம்ʼ வராஹஸ்ய மஹாத்மன​: | 
ஸர்வவேதா³தி⁴கம்ʼ ஸர்வகாமத³ம்ʼ ஸததம்ʼ ஜபேத் || 18|| 
ஸததம்ʼ ப்ராதருத்தா²ய ஸம்யகா³சம்ய வாரிணா | 
க்ருʼதாஸனோ ஜிதக்ரோத⁴​: பஸ்²சான்மந்த்ரமுதீ³ரயேத் || 19|| 
ப்³ராஹ்மணோ ப்³ரஹ்மவித்³யாம்ʼ ச க்ஷத்ரியோ ராஜ்யமாப்னுயாத் | 
பு⁴க்திம்ʼ முக்திம்ʼ ச லப⁴தே ஸ்ரீவராஹப்ரஸாத³த​: || 20|| 
||  இதி ஸ்ரீவராஹபுராணே ஸ்ரீமுஷ்ணமாஹாத்ம்யே த⁴ரணீவராஹஸம்ʼவாதே³ ஸ்ரீபூ⁴வராஹாஷ்டோத்தரஸ்தவ​: ||