అథ శ్రీ భూవరాహాష్టోత్తరస్తవః
శ్వేతం సుదర్శనదరాంకితబాహుయుగ్మం |

దంష్ట్రాకరాలవదనం ధరయా సమేతం || 1||

బ్రహ్మాదిభిః సురగణైః పరిసేవ్యమాణం |

ధ్యాయేద్వరాహవపుషం నిగమైకవేద్యం || 2||

శ్రీవరాహో మహీనాథః పూర్ణానందో జగత్పతిః |

నిర్గుణో నిష్కలోఽనంతో దండకాంతకృదవ్యయః || 3||

హిరణ్యాక్షాంతకృద్దేవః పూర్ణషాడ్గుణ్యవిగ్రహః |

లయోదధివిహారీ చ సర్వప్రాణిహితేరతః || 4||

అనంతరూపోఽనంతశ్రీర్జితమన్యుర్భయాపహః |

వేదాంతవేద్యో వేది చ వేదగర్భః సనాతనః || 5||

సహస్రాక్షః పుణ్యగంధః కల్పకృత్ క్షితిభృద్ధరిః |

పద్మనాభః సురాధ్యక్షో హేమాంగో దక్షిణాముఖః || 6||

మహాకోలో మహాబాహుః సర్వదేవనమస్క్రతః |

హృషీకేశః ప్రసన్నాత్మా సర్వభక్తభయాపహః || 7||

యజ్ఞకృద్యజ్ఞభృత్ సాక్షీ యజ్ఞాంగో యజ్ఞవాహనః |

హవ్యభుగ్ హవ్యదేహశ్చ సదాఽవ్యక్తః కృపాకరః || 8||

దేవహూతిర్గురుః కాంతో ధర్మగుహ్యో వృషాకపిః |

స్రవత్తుండో వక్రతుండో నీలకేశో మహాబలః || 9||

పూతాత్మా వేదనేతా చ వేదహర్తృశిరోహరః |

వేదాంతవిద్వేదగుహ్యః సర్వవేదప్రవర్తకః || 10||

గంభీరాక్షస్త్రిధామా చ గంభీరాత్మాఽమరేశ్వరః |

ఆనందవనగో దివ్యో బ్రహ్మనాసాసముద్భవః || 11||

సింధుతీరనివాసీ చ క్షేమకృత్ సాత్వతాం పతిః |

ఇంద్రత్రాతా జగత్త్రాతా చేంద్రదోర్దండగర్వహా || 12||

భక్తవశ్యః సదావ్యక్తో నిజానందో రమాపతిః |

శ్రుతిప్రియః శుభాంగశ్చ పుణ్యశ్రవణకీర్తనః || 13||

సత్యకృత్ సత్యసంకల్పః సత్యవాక్ సత్యవిక్రమః |

సత్యేనిగూఢః సత్యాత్మా కాలాతీతో గుణాతీగః || 14||

పరంజ్యోతిః పరంధామ పరమః పురుషః పరః |

కల్యాణకృత్ కవిః కర్తా కర్మసాక్షీ జితేంద్రియః || 15||

కర్మకృత్ కర్మకాండస్య సంప్రదాయప్రవర్తకః |

సర్వాంతగః సర్వగశ్చ సర్వదః సర్వభక్షకః || 16||

సర్వలోకపతిః శ్రీమాన్ శ్రీముష్ణేశః శుభేక్షణః |

సర్వసాక్షీ సర్వదేవప్రియః సర్వేశ్వరో హరిః || 17||

అష్టోత్తరశతం పుణ్యం వరాహస్య మహాత్మనః |

సర్వవేదాధికం సర్వకామదం సతతం జపేత్ || 18||

సతతం ప్రాతరుత్థాయ సమ్యగాచమ్య వారిణా |

కృతాసనో జితక్రోధః పశ్చాన్మంత్రముదీరయేత్ || 19||

బ్రాహ్మణో బ్రహ్మవిద్యాం చ క్షత్రియో రాజ్యమాప్నుయాత్ |

భుక్తిం ముక్తిం చ లభతే శ్రీవరాహప్రసాదతః || 20||

|| ఇతి శ్రీవరాహపురాణే శ్రీముష్ణమాహాత్మ్యే ధరణీవరాహసంవాదే శ్రీభూవరాహాష్టోత్తరస్తవః ||