ಅಥ ಶ್ರೀ ಭೂವರಾಹಾಷ್ಟೋತ್ತರಸ್ತವಃ
ಶ್ವೇತಂ ಸುದರ್ಶನದರಾಂಕಿತಬಾಹುಯುಗ್ಮಂ |

ದಂಷ್ಟ್ರಾಕರಾಲವದನಂ ಧರಯಾ ಸಮೇತಮ್ ||೧||

ಬ್ರಹ್ಮಾದಿಭಿಃ ಸುರಗಣೈಃ ಪರಿಸೇವ್ಯಮಾಣಂ |

ಧ್ಯಾಯೇದ್ವರಾಹವಪುಷಂ ನಿಗಮೈಕವೇದ್ಯಮ್ ||೨||

ಶ್ರೀವರಾಹೋ ಮಹೀನಾಥಃ ಪೂರ್ಣಾನಂದೋ ಜಗತ್ಪತಿಃ |

ನಿರ್ಗುಣೋ ನಿಷ್ಕಲೋಽನಂತೋ ದಂಡಕಾಂತಕೃದವ್ಯಯಃ ||೩||

ಹಿರಣ್ಯಾಕ್ಷಾಂತಕೃದ್ದೇವಃ ಪೂರ್ಣಷಾಡ್ಗುಣ್ಯವಿಗ್ರಹಃ |

ಲಯೋದಧಿವಿಹಾರೀ ಚ ಸರ್ವಪ್ರಾಣಿಹಿತೇರತಃ ||೪||

ಅನಂತರೂಪೋಽನಂತಶ್ರೀರ್ಜಿತಮನ್ಯುರ್ಭಯಾಪಹಃ |

ವೇದಾಂತವೇದ್ಯೋ ವೇದಿ ಚ ವೇದಗರ್ಭಃ ಸನಾತನಃ ||೫||

ಸಹಸ್ರಾಕ್ಷಃ ಪುಣ್ಯಗಂಧಃ ಕಲ್ಪಕೃತ್ ಕ್ಷಿತಿಭೃದ್ಧರಿಃ |

ಪದ್ಮನಾಭಃ ಸುರಾಧ್ಯಕ್ಷೋ ಹೇಮಾಂಗೋ ದಕ್ಷಿಣಾಮುಖಃ ||೬||

ಮಹಾಕೋಲೋ ಮಹಾಬಾಹುಃ ಸರ್ವದೇವನಮಸ್ಕ್ರತಃ |

ಹೃಷೀಕೇಶಃ ಪ್ರಸನ್ನಾತ್ಮಾ ಸರ್ವಭಕ್ತಭಯಾಪಹಃ ||೭||

ಯಜ್ಞಕೃದ್ಯಜ್ಞಭೃತ್ ಸಾಕ್ಷೀ ಯಜ್ಞಾಂಗೋ ಯಜ್ಞವಾಹನಃ |

ಹವ್ಯಭುಗ್ ಹವ್ಯದೇಹಶ್ಚ ಸದಾಽವ್ಯಕ್ತಃ ಕೃಪಾಕರಃ ||೮||

ದೇವಹೂತಿರ್ಗುರುಃ ಕಾಂತೋ ಧರ್ಮಗುಹ್ಯೋ ವೃಷಾಕಪಿಃ |

ಸ್ರವತ್ತುಂಡೋ ವಕ್ರತುಂಡೋ ನೀಲಕೇಶೋ ಮಹಾಬಲಃ ||೯||

ಪೂತಾತ್ಮಾ ವೇದನೇತಾ ಚ ವೇದಹರ್ತೃಶಿರೋಹರಃ |

ವೇದಾಂತವಿದ್ವೇದಗುಹ್ಯಃ ಸರ್ವವೇದಪ್ರವರ್ತಕಃ ||೧೦||

ಗಂಭೀರಾಕ್ಷಸ್ತ್ರಿಧಾಮಾ ಚ ಗಂಭೀರಾತ್ಮಾಽಮರೇಶ್ವರಃ |

ಆನಂದವನಗೋ ದಿವ್ಯೋ ಬ್ರಹ್ಮನಾಸಾಸಮುದ್ಭವಃ ||೧೧||

ಸಿಂಧುತೀರನಿವಾಸೀ ಚ ಕ್ಷೇಮಕೃತ್ ಸಾತ್ವತಾಂ ಪತಿಃ |

ಇಂದ್ರತ್ರಾತಾ ಜಗತ್ತ್ರಾತಾ ಚೇಂದ್ರದೋರ್ದಂಡಗರ್ವಹಾ ||೧೨||

ಭಕ್ತವಶ್ಯಃ ಸದಾವ್ಯಕ್ತೋ ನಿಜಾನಂದೋ ರಮಾಪತಿಃ |

ಶ್ರುತಿಪ್ರಿಯಃ ಶುಭಾಂಗಶ್ಚ ಪುಣ್ಯಶ್ರವಣಕೀರ್ತನಃ ||೧೩||

ಸತ್ಯಕೃತ್ ಸತ್ಯಸಂಕಲ್ಪಃ ಸತ್ಯವಾಕ್ ಸತ್ಯವಿಕ್ರಮಃ |

ಸತ್ಯೇನಿಗೂಢಃ ಸತ್ಯಾತ್ಮಾ ಕಾಲಾತೀತೋ ಗುಣಾತೀಗಃ ||೧೪||

ಪರಂಜ್ಯೋತಿಃ ಪರಂಧಾಮ ಪರಮಃ ಪುರುಷಃ ಪರಃ |

ಕಲ್ಯಾಣಕೃತ್ ಕವಿಃ ಕರ್ತಾ ಕರ್ಮಸಾಕ್ಷೀ ಜಿತೇಂದ್ರಿಯಃ ||೧೫||

ಕರ್ಮಕೃತ್ ಕರ್ಮಕಾಂಡಸ್ಯ ಸಂಪ್ರದಾಯಪ್ರವರ್ತಕಃ |

ಸರ್ವಾಂತಗಃ ಸರ್ವಗಶ್ಚ ಸರ್ವದಃ ಸರ್ವಭಕ್ಷಕಃ ||೧೬||

ಸರ್ವಲೋಕಪತಿಃ ಶ್ರೀಮಾನ್ ಶ್ರೀಮುಷ್ಣೇಶಃ ಶುಭೇಕ್ಷಣಃ |

ಸರ್ವಸಾಕ್ಷೀ ಸರ್ವದೇವಪ್ರಿಯಃ ಸರ್ವೇಶ್ವರೋ ಹರಿಃ ||೧೭||

ಅಷ್ಟೋತ್ತರಶತಂ ಪುಣ್ಯಂ ವರಾಹಸ್ಯ ಮಹಾತ್ಮನಃ |

ಸರ್ವವೇದಾಧಿಕಂ ಸರ್ವಕಾಮದಂ ಸತತಂ ಜಪೇತ್ ||೧೮||

ಸತತಂ ಪ್ರಾತರುತ್ಥಾಯ ಸಮ್ಯಗಾಚಮ್ಯ ವಾರಿಣಾ |

ಕೃತಾಸನೋ ಜಿತಕ್ರೋಧಃ ಪಶ್ಚಾನ್ಮಂತ್ರಮುದೀರಯೇತ್ ||೧೯||

ಬ್ರಾಹ್ಮಣೋ ಬ್ರಹ್ಮವಿದ್ಯಾಂ ಚ ಕ್ಷತ್ರಿಯೋ ರಾಜ್ಯಮಾಪ್ನುಯಾತ್ |

ಭುಕ್ತಿಂ ಮುಕ್ತಿಂ ಚ ಲಭತೇ ಶ್ರೀವರಾಹಪ್ರಸಾದತಃ ||೨೦||

|| ಇತಿ ಶ್ರೀವರಾಹಪುರಾಣೇ ಶ್ರೀಮುಷ್ಣಮಾಹಾತ್ಮ್ಯೇ ಧರಣೀವರಾಹಸಂವಾದೇ ಶ್ರೀಭೂವರಾಹಾಷ್ಟೋತ್ತರಸ್ತವಃ ||