atha śrī bhūvarāhāṣṭottarastavaḥ
śvetaṁ sudarśanadarāṁkitabāhuyugmaṁ |
daṁṣṭrākarālavadanaṁ dharayā sametam ||1||
brahmādibhiḥ suragaṇaiḥ parisevyamāṇaṁ |
dhyāyedvarāhavapuṣaṁ nigamaikavedyam ||2||
śrīvarāho mahīnāthaḥ pūrṇānaṁdo jagatpatiḥ |
nirguṇo niṣkalo'naṁto daṁḍakāṁtakṛdavyayaḥ ||3||
hiraṇyākṣāṁtakṛddevaḥ pūrṇaṣāḍguṇyavigrahaḥ |
layodadhivihārī ca sarvaprāṇihiterataḥ ||4||
anaṁtarūpo'naṁtaśrīrjitamanyurbhayāpahaḥ |
vedāṁtavedyo vedi ca vedagarbhaḥ sanātanaḥ ||5||
sahasrākṣaḥ puṇyagaṁdhaḥ kalpakṛt kṣitibhṛddhariḥ |
padmanābhaḥ surādhyakṣo hemāṁgo dakṣiṇāmukhaḥ ||6||
mahākolo mahābāhuḥ sarvadevanamaskrataḥ |
hṛṣīkeśaḥ prasannātmā sarvabhaktabhayāpahaḥ ||7||
yajñakṛdyajñabhṛt sākṣī yajñāṁgo yajñavāhanaḥ |
havyabhug havyadehaśca sadā'vyaktaḥ kṛpākaraḥ ||8||
devahūtirguruḥ kāṁto dharmaguhyo vṛṣākapiḥ |
sravattuṁḍo vakratuṁḍo nīlakeśo mahābalaḥ ||9||
pūtātmā vedanetā ca vedahartṛśiroharaḥ |
vedāṁtavidvedaguhyaḥ sarvavedapravartakaḥ ||10||
gaṁbhīrākṣastridhāmā ca gaṁbhīrātmā'mareśvaraḥ |
ānaṁdavanago divyo brahmanāsāsamudbhavaḥ ||11||
siṁdhutīranivāsī ca kṣemakṛt sātvatāṁ patiḥ |
iṁdratrātā jagattrātā ceṁdradordaṁḍagarvahā ||12||
bhaktavaśyaḥ sadāvyakto nijānaṁdo ramāpatiḥ |
śrutipriyaḥ śubhāṁgaśca puṇyaśravaṇakīrtanaḥ ||13||
satyakṛt satyasaṁkalpaḥ satyavāk satyavikramaḥ |
satyenigūḍhaḥ satyātmā kālātīto guṇātīgaḥ ||14||
paraṁjyotiḥ paraṁdhāma paramaḥ puruṣaḥ paraḥ |
kalyāṇakṛt kaviḥ kartā karmasākṣī jiteṁdriyaḥ ||15||
karmakṛt karmakāṁḍasya saṁpradāyapravartakaḥ |
sarvāṁtagaḥ sarvagaśca sarvadaḥ sarvabhakṣakaḥ ||16||
sarvalokapatiḥ śrīmān śrīmuṣṇeśaḥ śubhekṣaṇaḥ |
sarvasākṣī sarvadevapriyaḥ sarveśvaro hariḥ ||17||
aṣṭottaraśataṁ puṇyaṁ varāhasya mahātmanaḥ |
sarvavedādhikaṁ sarvakāmadaṁ satataṁ japet ||18||
satataṁ prātarutthāya samyagācamya vāriṇā |
kṛtāsano jitakrodhaḥ paścānmaṁtramudīrayet ||19||
brāhmaṇo brahmavidyāṁ ca kṣatriyo rājyamāpnuyāt |
bhuktiṁ muktiṁ ca labhate śrīvarāhaprasādataḥ ||20||
|| iti śrīvarāhapurāṇe śrīmuṣṇamāhātmye dharaṇīvarāhasaṁvāde śrībhūvarāhāṣṭottarastavaḥ ||