பா⁴கீ³ரதீ²க³த்³யம்ʼ
அத² பா⁴கீ³ரதீ²க³த்³யம்ʼ
ஶ்ரீஶுக உவாச
தத்ர ப⁴க³வத꞉ ஸாக்ஷாத்³ யஜ்ஞலிங்க³ஸ்ய விஷ்ணோர்விக்ரமதோ |
வாமபா-தா³ங்கு³ஷ்ட²நக²நிர்பி⁴ன்னோர்த்⁴வாண்ட³கடாஹவிவரேண |
அந்த꞉ப்ரவிஷ்டா யா பா³ஹ்யஜலதா⁴ரா |
தச்சரணபங்கஜாவனேஜனாருணகிஞ்ஜல்கோபரஞ்ஜித-அகி²லஜக³த³க⁴மலாபஹா |
உபஸ்பர்ஶநாமலா ஸாக்ஷாத் ப⁴க³வத்பதீ³த்ய-நுபலக்ஷிதவசோபி⁴ரபி⁴தீ⁴யமானா|
 அதிமஹதா காலேன யுக³-ஸஹஸ்த்ரோபலக்ஷணேன தி³வோ மூர்த⁴ன்யவததார யத்தத்³விஷ்ணுபத³மாஹு꞉ ||
 யத்ர ஹ வாவ வீரவ்ரத ஔத்தானபாதி³꞉ பரமபா⁴க³வத꞉|
 அஸ்மத்குல-தே³வதாசரணாரவிந்தோ³த³கம்ʼ இதி|
 யாம்ʼ அனுஸவனமுத்க்ருʼஷ்யமாண-ப⁴க³வத்³ப⁴க்தியோகே³ன த்³ருʼட⁴ம்ʼ க்லித்³யமானாந்தர்ஹ்ருʼத³ய|
 ஔத்கண்ட்²யவிவஶாமீலிதலோசனயுக³லகுட்³மலவிக³லிதாமலபா³ஷ்பகலயா|
 அபி⁴வ்யஜ்யமான-ரோமபுலககுலக|
 அது⁴னாபி பரமாத³ரேண ஶிரஸா பி³ப⁴ர்தி ||1||
தத்ர ஸப்தருʼஷயஸ்தத்ப்ரபா⁴வஜ்ஞா நனு (இயம்ʼ நு) தபஸ ஆத்யந்திகீ ஸித்³தி⁴ரேதாவதீதி |
ப⁴க³வதி ஸர்வாத்மனி வாஸுதே³வே அனவரதப⁴க்தியோக³-லாபே⁴னைவ |
உபேக்ஷிதான்யார்தா²த்மக³தயோ|
முக்திமிவாக³தாம்ʼ முமுக்ஷவ꞉ ஸப³ஹுமானமேநாமத்³யாபி ஜடாஜூடைருத்³வஹந்தி ||2||
தத꞉ அனேகஸஹஸ்ரகோடிவிமானானீகஸங்குலதே³வயானேன அவதரந்தீ|
 இந்து³மண்ட³லமாப்லாவ்ய ப்³ரஹ்மஸத³னே நிபததி|
 தத்ர சதுர்தா⁴ பி⁴த்³யமானா சதுர்பி⁴ர்நாமபி⁴ஶ்சதுர்தி³ஶமபி⁴ஸ்யந்த³தீ|
 நத³நதீ³பதிமேவாபி⁴னிவிஶதே|
 ‘ஸீதா அலகனந்தா³ சக்ஷு꞉ ப⁴த்³ரா’ இதி ||3||
ஸீதா து ப்³ரஹ்மஸத³னாத் கேஸராத்³ரிஶிக²ரேப்⁴யோ(அ)தோ⁴(அ)த⁴꞉பதந்தீ<
 க³ந்த⁴மாத³னமூர்த்⁴னி பதித்வாந்தரேண ப⁴த்³ராஶ்வம்ʼ வர்ஷம்ʼ ப்ராச்யாம்ʼ தி³ஶி க்ஷாரஸமுத்³ரம்ʼ ப்ரவிஶதி|
 ஏவம்ʼ மால்யவச்சி²க²ராந்நிஷ்பதந்தீ அனுபரதவேகா³|
 கேதுமாலமபி⁴ சக்ஷு꞉ ப்ரதீச்யாம்ʼ தி³ஶி ஸரித்பதிம்ʼ ப்ரவிஶதி |
ப⁴த்³ரா சோத்தரதோ மேருஶிரஸோ நிபதிதா கி³ரிஶிக²ராத் கி³ரிஶிக²ரமதிஹாய|
 ஶ்ருʼங்க³வத꞉ ஶ்ருʼங்கா³த³பி⁴ஸ்யந்த³மானா உத்தராம்ʼஸ்து குரூன் அதிக்ரம்ய |
உதீ³ச்யாம்ʼ தி³ஶி லவணார்ணவம்ʼ ப்ரவிஶதி |
ததை²வாலகனந்தா³ த³க்ஷிணேன து ப்³ரஹ்மஸத³நாத்³ ப³ஹூனி கி³ரிகூடான்யதிக்ரம்ய|
 ஹேமகூடஹிமகூடானி அதிதரரப⁴ஸரம்ʼஹஸா லுட²ந்தீ|
 பா⁴ரதமேவ வர்ஷம்ʼ த³க்ஷிணஸ்யாம்ʼ தி³ஶி ஜலதி⁴ம்ʼ ப்ரவிஶதி || 4||
|| இதி பா⁴க³வதே பஞ்சமஸ்கந்தே⁴ பா⁴கீ³ரதீ²க³த்³யம்ʼ ||