avatāratrayastotram 
atha avatāratrayastotram 
hanūmānaṁjanāsūnūrvāyuputro mahābalaḥ |
rāmeṣṭaḥ lguṇasakhaḥ piṁgākṣo'mitavikramaḥ ||1||
udadhikramaṇaścaiva sītāsaṁdeśahārakaḥ |
lakṣmaṇaprāṇadātā ca daśagrīvasya darpahā ||2||
dvādaiśātāni nāmāni kapīṁdrasya mahātmanaḥ|
svāpakāle prabodhe ca yātrākāle ca yaḥ paṭhet |3||
na bhayaṁ vidyate tasya sarvatra vijayī bhavet |
mārutiḥ pāṁḍavo bhīmo gadāpāṇivṛkodaraḥ ||4||
kauṁteyaḥ kṛṣṇadayito bhīmaseno mahābalaḥ |
jarāsaṁdhāṁtako vīro duḥśāsanavināśanaḥ ||5||
dvādaiśātani nāmāni bhīmasya niyataḥ  paṭhan |
āyurārogyamaiśvaryamaripakṣakṣayaṁ labhet ||6||
pūrṇaprajño jñānadātā madhvo dhvastadurāgamāḥ |
tattvajño vaiṣṇavācāryo vyāsaśiṣyo yatīśvaraḥ ||7||
sukhatīrthābhidānaśca jitavādī jiteṁdriyaḥ |
ānaṁdatīrthasannāmnāmevaṁ dvādaśakaṁ japet ||8||
labhate vaiṣṇavīṁ bhaktiṁ gurubhaktisamudbhavām  ||
|| iti avatāratrayastotram ||