aṣṭamahīṣiyuktaśrīkṛṣṇastotram‌ 
atha aṣṭamahīṣiyuktaśrīkṛṣṇastotram‌ 
hṛdguhāśrita pakṣīṁdra-
valguvākyaiḥ kṛtastava |
tadgarutkaṁdharārūḍha 
rugmiṇīśa namo'stu te ||1||
atyunnatyā'khilaiḥ stutya 
śrutyaṁtātyaṁtakīrtita |
satyayohita satyātman 
satyabhāmāpate namaḥ ||2||
jāṁbavatyāḥ kaṁbukaṁṭhā-
laṁbijṛṁbhikarāṁbuja |
śaṁbutryaṁbakasaṁbhāvya 
sāṁbatāta namo'stu te ||3||
nīlāya vilasadbhūṣā-
jālāyojjvalamāline |
nīlālakodyatphālāya 
kāliṁdīpataye namaḥ ||4||
jaitracitracaritrāya 
śātravānīkamṛtyave |
mitraprakāśāya namo 
mitraviṁdāpriyāya te ||5||
bālanetrotsavānaṁta-
līlālāvaṇyamūrtaye |
nīlākāṁtāya te bhakta 
pālāyāstu namo namaḥ ||6||
bhadrāya svajanāvidyā-
nidrāvidrāvaṇāya vai |
rudrāṇībhadramūlāya 
bhadrākāṁtāya te namaḥ ||7||
rakṣitākhilaviśvāya śikṣitākhilarakṣase |
lakṣaṇāpataye nityaṁ 
bhikṣuślāghyāya te namaḥ ||8||
ṣoḍaśastrīsahasreśaṁ 
ṣoḍaśātītamacyutam‌ |
īḍeta vādirājokta-
prauḍhastotreṇa saṁtatam‌  ||9||
|| iti śrīvādirājakṛtaṁ aṣṭamahīṣiyuktaśrīkṛṣṇastotram‌ ||