atha AmaMtraNotsavastotraM
AmaMtraNaM te nigamoktamaMtrai-
staMtrapraveshAya manoharAya |
shrIrAmachaMdrAya sukhapradAya
karomyahaM tvaM kR^ipayA gR^ihANa ||1||

satyAdhirAjArchitapAdapadma
shrImadhvasaMpUjita suMdarAMga |
shrIbhArgavIsannutamaMdahAsa
shrIvyAsadevAya namo namaste ||2||

anaMtarUpairajitAdibhishcha
parAdibhiHshrIbR^ihatIsahasraiH |
vishvAdibhishchaiva sahasrarUpai-
rnArAyaNAdyaShTashatairajAdyaiH ||3||

ekAdhipaMchAshaditaishcha rUpaiH
shrIkeshavAdyaishcha chaturssuviMshaiH |
matsyAdibhissvachChadashasvarUpai-
rvishvAdibhishchAShTabhiragrarUpaiH ||4||

tathA.aniruddhAdichatussvarUpai-
rgobrAhmaNashrItulasInivAsaiH |
maMtresharUpaiH paramANupUrva-
saMvatsarAMtAmalakAlarUpaiH ||5||

j~nAnAdidaissthAvarajaMgamasthai-
ravyAkR^itAkAshavihArarUpaiH |
nArAyaNAkhyena tathA.aniruddha-
rUpeNa sakShmodagatena tuShTaiH ||6||

pradyumnasaMkarShaNanAmakAbhyAM
bhoktR^isthitAbhyAM bhujishaktidAbhyAM |
shrIvAsudevena nabhaHsthitena
hyabhIShTadenAkhilasadguNena ||7||

ashvAdisadyAnagatena nitya-
mArUDharUpeNa susaukhyadena |
vishvAdijAgradviniyAmakena
svapnasthapAlena cha taijasena ||8||

prAj~naina sauShuptikapAlakena
turyeNa mUrdhni sthitiyukpareNa |
AtmAMtarAtmetyabhidhena hR^itstha-
rUpadvayenAkhilasArabhoktrA ||9||

hR^itpadmamUlAgragasarvagaishcha
rUpatrayeNAkhilashaktibhAjA |
kR^iddholkarUpairhR^idayAdisaMsthaiH
prANAdigairannamayAdigaishcha ||10||

ilAvR^itAdyAmalakhaMDasaMsthaiH
plakShAdisaddvIpasamudradhiShNyaiH |
merusthakiMstughnagakAlachakra-
grahagrahAnugrahibhishcha lokaiH ||11||

nArAyaNIpUrvavadhUrurUpai-
stridhAmabhirbhAsuradhAmabhishcha |
shrImUlarAmapratimAdisaMstha-
shrIrAmachaMdrAkhilasadguNAbdhe ||12||

sItApate shrIparamAvatAra
mAbAdibhirbrAhmamukhaishcha devaiH |
dikpAlakaissAkamanaMtasaukhya-
saMpUrNasadbhaktadayAMburAshe ||13||

satyAdhirAjAryahR^idabjavAsa
shrImadhvahR^itpaMkajakoshavAsa |
madbiMbarUpeNa bhavaikyashAlI
chAmaMtritastvadya namo namaste ||14||

varAkShatAn kAMchanamudrikAshcha
maMtreNa hemnashchaShake nidhAya |
sItApate te puratashshrutestu
pradadhyurevaM bhagavatsvarUpaM ||15||

hiraNyarUpassahiraNyasaMdR^igapA-
nnapAt sedu hiraNyavarNaH |
hiraNyayAtpariyone niShadyA
hiraNyadAdadatyannamasmai ||16||

vasiShyottamavastrANi
bhUShaNairapyalaMkuru |
kurvannutsavamatyaMta-
masmadIyaM makhaM yaja ||17||

vasiShvA hi miyedhya vastrANyUrjAMpate
semaM no adhvaraM yaja |
AmaMtrito.asi devesha
purANapuruShottama |
maMtreshairlokapAlaishcha
sArdhaM devagaNaiH shriyA ||18||

trikAlapUjAsu dayArdradR^iShTyA
mayArpitaM chArhaNamAshu satvaM|
gR^ihANa lokAdhipate ramesha
mamAparAdhAn sakalAn kShamasva ||19||

shrImatsatyapramodArya-
hR^innivAsyanileshitA |
satyaj~nAnAnaMtaguNaH
prIyatAM bAdarAyaNaH ||20||

|| iti AmaMtraNotsavastotraM ||