आमंत्रणोत्सवस्तोत्रं
अथ आमंत्रणोत्सवस्तोत्रं
आमंत्रणं ते निगमोक्तमंत्रै-
स्तंत्रप्रवेशाय मनोहराय |
श्रीरामचंद्राय सुखप्रदाय 
करोम्यहं त्वं कृपया गृहाण	||1||
सत्याधिराजार्चितपादपद्म 
श्रीमध्वसंपूजित सुंदरांग |
श्रीभार्गवीसन्नुतमंदहास 
श्रीव्यासदेवाय नमो नमस्ते	||2||
अनंतरूपैरजितादिभिश्च 
परादिभिःश्रीबृहतीसहस्रैः |
विश्वादिभिश्चैव सहस्ररूपै-
र्नारायणाद्यष्टशतैरजाद्यैः	||3||
एकाधिपंचाशदितैश्च रूपैः 
श्रीकेशवाद्यैश्च चतुर्स्सुविंशैः |
मत्स्यादिभिस्स्वच्छदशस्वरूपै-
र्विश्वादिभिश्चाष्टभिरग्ररूपैः	||4||
तथाऽनिरुद्धादिचतुस्स्वरूपै-
र्गोब्राह्मणश्रीतुलसीनिवासैः |
मंत्रेशरूपैः परमाणुपूर्व-
संवत्सरांतामलकालरूपैः	||5||
ज्ञानादिदैस्स्थावरजंगमस्थै-
रव्याकृताकाशविहाररूपैः |
नारायणाख्येन तथाऽनिरुद्ध-
रूपेण सक्ष्मोदगतेन तुष्टैः	||6||
प्रद्युम्नसंकर्षणनामकाभ्यां 
भोक्तृस्थिताभ्यां भुजिशक्तिदाभ्यां |
श्रीवासुदेवेन नभःस्थितेन 
ह्यभीष्टदेनाखिलसद्गुणेन	||7||
अश्वादिसद्यानगतेन नित्य-
मारूढरूपेण सुसौख्यदेन |
विश्वादिजाग्रद्विनियामकेन 
स्वप्नस्थपालेन च तैजसेन	||8||
प्राज्ञैन सौषुप्तिकपालकेन 
तुर्येण मूर्ध्नि स्थितियुक्परेण |
आत्मांतरात्मेत्यभिधेन हृत्स्थ-
रूपद्वयेनाखिलसारभोक्त्रा 	||9||
हृत्पद्ममूलाग्रगसर्वगैश्च 
रूपत्रयेणाखिलशक्तिभाजा |
कृद्धोल्करूपैर्हृदयादिसंस्थैः 
प्राणादिगैरन्नमयादिगैश्च	||10||
इलावृताद्यामलखंडसंस्थैः 
प्लक्षादिसद्द्वीपसमुद्रधिष्ण्यैः |
मेरुस्थकिंस्तुघ्नगकालचक्र-
ग्रहग्रहानुग्रहिभिश्च लोकैः	||11||
नारायणीपूर्ववधूरुरूपै-
स्त्रिधामभिर्भासुरधामभिश्च |
श्रीमूलरामप्रतिमादिसंस्थ-
श्रीरामचंद्राखिलसद्गुणाब्धे	||12||
सीतापते श्रीपरमावतार 
माबादिभिर्ब्राह्ममुखैश्च देवैः |
दिक्पालकैस्साकमनंतसौख्य-
संपूर्णसद्भक्तदयांबुराशे 	||13||
सत्याधिराजार्यहृदब्जवास 
श्रीमध्वहृत्पंकजकोशवास |
मद्बिंबरूपेण भवैक्यशाली 
चामंत्रितस्त्वद्य नमो नमस्ते	||14||
वराक्षतान् कांचनमुद्रिकाश्च 
मंत्रेण हेम्नश्चषके निधाय |
सीतापते ते पुरतश्श्रुतेस्तु 
प्रदध्युरेवं भगवत्स्वरूपं	||15||
हिरण्यरूपस्सहिरण्यसंदृगपा-
न्नपात् सेदु हिरण्यवर्णः |
हिरण्ययात्परियोने निषद्या 
हिरण्यदाददत्यन्नमस्मै	||16||
वसिष्योत्तमवस्त्राणि 
भूषणैरप्यलंकुरु |
कुर्वन्नुत्सवमत्यंत-
मस्मदीयं मखं यज	||17||
वसिष्वा हि मियेध्य वस्त्राण्यूर्जांपते 
सेमं नो अध्वरं यज |
आमंत्रितोऽसि देवेश 
पुराणपुरुषोत्तम |
मंत्रेशैर्लोकपालैश्च 
सार्धं देवगणैः श्रिया	||18||
त्रिकालपूजासु दयार्द्रदृष्ट्या 
मयार्पितं चार्हणमाशु सत्वं|
गृहाण लोकाधिपते रमेश 
ममापराधान् सकलान् क्षमस्व	||19||
श्रीमत्सत्यप्रमोदार्य-
हृन्निवास्यनिलेशिता |
सत्यज्ञानानंतगुणः 
प्रीयतां बादरायणः 	||20||
|| इति आमंत्रणोत्सवस्तोत्रं ||